ৰাইজক বিদ্যুৎ মাচুলত সকাহৰ বাবে অসম চৰকাৰে দিব ৪০০ কোটি টকা

অসম চৰকাৰে সাধাৰণ ৰাইজৰ বিদ্যুৎ মাচুলত ৰেহাইৰ বাবে অসম বিদ্যুৎ বিতৰণ কোম্পানি লিমিটেডক ৪০০ কোটি টকা মোকলাই দিব।

অসম বাজেট ২০২০-২১ত বিত্ত মন্ত্ৰী হিমন্ত বিশ্ব শৰ্মাই ৰাইজৰ বিদ্যুৎ মাচুলত ৰেহাই আগবঢ়োৱাৰ কথা ঘোষণা কৰিছিল।

খবৰ মতে, অসম বিদ্যুৎ নিয়ামক আয়োগে অহা এপ্ৰিল মাহৰ ভিতৰত বিদ্যুৎ মাচুল বৃদ্ধিৰ পৰামৰ্শ দিয়াৰ কথা।

বিদ্যুৎ বিতৰণ কোম্পানিটোৱে চুবুৰীয়া ৰাজ্যৰ পৰা বিদ্যুৎ কিনি আনি বিতৰণ কৰি আছে আৰু লোকচান ভৰি আছে।

শেহতীয়া বাজেটত ৰাজ্যৰ বিদ্যুৎ উপভোক্তাসকলক ৩০ ইউনিটলৈকে বিনামূলীয়া বিজুলী দিয়াৰ কথা ঘোষণা কৰা হৈছিল।

তাৰোপৰি ১২০ ইউনিটলৈকে ১.১০ টকা ৰাজসাহায্য দিয়াৰো ঘোষণা কৰা হৈছিল।

বাজেট মতে, ‘এ’ কেটেগৰিৰ অধীনত ৰাজ্যৰ ৩৮ লাখ ঘৰত বিদ্যুৎ মাচুলত সাহায্য প্ৰদান কৰা হ’ব।

সেই উদ্দেশ্যেৰে বাজেটত ১৫ কোটি টকা অনুমোদন কৰা হৈছে।

বিত্ত মন্ত্ৰীয়ে সদনত সদৰী কৰা মতে অসমৰ ১০০ শতাংশ ঘৰতে বিদ্যুৎ সংযোগ কৰা হৈছে।

বিদ্যুৎ সংযোগে ৰাজ্যৰ ২৫ হাজাৰ গাওঁ সামৰি লৈছে।

অসম বিদ্যুৎ নিয়ামক আয়োগে ৰাজ্যত বিদ্যুৎ নিৰিখ সম্পৰ্কীয় সিদ্ধান্ত গ্ৰহণ কৰে।