কিহৰ ফুটনি! মুকেশ আম্বানিয়ে গোটেই জীৱন যিমান কমালে সেয়া এবছৰতে কমালে এলন মাস্কে

Elon Mask vs Mukesh Ambani চলিত বছৰত এতিয়ালৈকে এলন মাস্কৰ সম্পদ বৃদ্ধি পাইছে ১১৭ বিলিয়ন ডলাৰ। আনহাতে মুকেশ আম্বানিৰ মুঠ সম্পদৰ পৰিমান হৈছে ১০১ বিলিয়ন ডলাৰ।

এলন মাস্কৰ হাতত এসময়ত এখন কম দামী গাড়ী কিনাৰো সামৰ্থ্য নাছিল। কিন্তু আজি তেওঁ বিশ্বৰ আটাইতকৈ ডাঙৰ গাড়ীৰ কোম্পানীৰ মালিক।

এলন মাস্ক চলিত বছৰৰ আয় তথা মুঠ সম্পদৰ পৰিমানৰ দিশৰ পৰা বিশ্বৰ ধনী ব্যক্তিৰ এক নম্বৰ স্থানত আছে।

সোমবাৰে এলন ৰিভ মাস্কৰ সম্পদ এদিনতে ৩৬.২ বিলিয়ন ডলাৰ বৃদ্ধি পায়। ভাৰতীয় মুদ্ৰাৰ হিচাপত যাৰ পৰিমান ২.৭১লাখ কোটি টকা।

ব্লুমবাৰ্গ বিলিয়নাৰ্ছ ইনডেক্সৰ ইতিহাসত এইটোৱে হৈছে এদিনত আটাইতকৈ বেছি সম্পদ বৃদ্ধিৰ অভিলেখ। ফলত এলন মাস্ক এতিয়া ২৮৭বিলিয়ন ডলাৰৰ সম্পদৰ গৰাকী আৰু তেওঁৰ বিশ্বৰ ধনীতম ব্যক্তি।

Also Read: আলফা (স্বাধীন)ত যোগদান কৰাৰ মুকলি ঘোষণা এগৰাকী যুৱকৰ; টুইটাৰযোগে কৰিলে ঘোষণা

এইক্ষেত্ৰত দ্বিতীয় স্থানত আছে এমাজনৰ প্ৰাক্তন চিইঅ’ জেফ বেজোছ। তেওওঁৰ সম্পদৰ পৰিমানৰ সৈতে প্ৰায় ৯০ বিলিয়ন ডলাৰৰ পাৰ্থক্য আছে।  

ব্লুমবাৰ্গ বিলিয়নাৰ্ছ ইনডেক্সৰ মতে মঙলবাৰে জেফ বেজোছৰ মুঠ সম্পদ আছিল ১৯৬ বিলিয়ন ডলাৰ।

চলিত বছৰত এতিয়ালৈকে এলন মাস্কৰ সম্পদ বৃদ্ধি পাইছে ১১৭ বিলিয়ন ডলাৰ। ইয়াৰ বিপৰীতে ভাৰতৰ ধনকুবেৰ মুকেশ আম্বানিৰ মুঠ সম্পদৰ পৰিমানেই হৈছে ১০১বিলিয়ন ডলাৰ।

সেই হিচাপত এবছৰতেই মুকেশ আম্বানিৰ মুঠ সম্পদৰ পৰিমানতকৈও অধিক আয় কৰিছে এলন মাস্কে।

Also Read: Containment zone declared বৃদ্ধি পাইছে কোভিডৰ সংক্ৰমণ; মহানগৰীৰ এটা অঞ্চলৰ চাৰিটা স্থানক কন্টেইনমেন্ট জ’ন ঘোষণা

চলিত বছৰত আয়ৰ হিচাপত তিনি নম্বৰ স্থানত আছে আদানি গ্ৰুপৰ অধ্যক্ষ গৌতম আদানি। এই বছৰতে তেওঁৰ সম্পদৰ পৰিমান অবিশ্বাস্যভাৱে ৪৩.৮ বিলিয়ন ডলাৰ বৃদ্ধি পাইছে।

তেওঁৰ মুঠ সম্পদৰ পৰিমান হৈছে ৭৭.৬ বিলিয়ন ডলাৰ। আদানি আৰু তেওঁৰ পৰিয়ালে যোৱা এবছৰ ধৰি দৈনিক ১,০০২কোটি টকা উপাৰ্জন কৰিছে।