চাপত নতশিৰ! সমালোচনাৰ সন্মুখীন হৈ সাংবাদিকসকলৰ টুইটাৰ একাউণ্ট ঘূৰাই দিলে এলন মাস্কে
Elon Musk restores Twitter accounts of journalists সমালোচনাৰ সন্মুখীন হৈ কেইবাজনো সাংবাদিকৰ টুইটাৰ একাউণ্ট ঘূৰাই দিছে কোম্পানীটোৰ গৰাকী এলন মাস্কে। শনিবাৰে এটা টুইটযোগে তেওঁ এই তথ্য নিশ্চিত কৰিছে।
ইয়াৰ পূৰ্বে, ইলন মাস্কক সমালোচনা কৰা এক প্ৰতিবেদন প্ৰকাশ কৰাৰ বাবে কিছুমান প্ৰখ্যাত সাংবাদিকৰ টুইটাৰ একাউণ্ট নিলম্বিত কৰা হৈছিল।
টুইটাৰৰ পৰা বৰ্খাস্ত কৰা সকলৰ ভিতৰত নিউয়ৰ্ক টাইমছ, দ্য ৱাশ্বিংটন পোষ্ট, চিএনএন আৰু ভইচ অফ আমেৰিকাৰ সাংবাদিকো আছিল।
বৃহস্পতিবাৰে, মাস্কে অভিযোগ কৰিছিল যে সাংবাদিকৰ বিৰুদ্ধে ব্যক্তিগত তথ্য প্ৰকাশ কৰি তেওঁৰ পৰিয়ালক বিপদত পেলোৱা হৈছে।
এই ঘটনাৰ পিছতে সমালোচনাৰ ঢৌ উঠিছিল। টুইটাৰৰ স্বত্বাধিকাৰী এলন মাস্কৰ এই সিদ্ধান্তৰ প্ৰতি ক্ষুব্ধ প্ৰতিক্ৰিয়া ব্যক্ত কৰাৰ লগতে ৰাষ্ট্ৰসংঘ আৰু ইউৰোপীয় ইউনিয়নে তেওঁক সতৰ্ক কৰি দিছিল।
The people have spoken.
Accounts who doxxed my location will have their suspension lifted now. https://t.co/MFdXbEQFCe
— Elon Musk (@elonmusk) December 17, 2022
ইয়াৰ পিছতে মাস্কে এই একাউণ্টবোৰ ঘূৰাই দিবলৈ টুইটাৰত এটা ভোট অনুষ্ঠিত কৰিছিল। ৫৯ শতাংশ ভোটাৰে একাউণ্টটো ঘূৰাই দিয়াৰ সপক্ষে স্থিতি লয়। তেতিয়াই নিষেধাজ্ঞা প্ৰত্যাহাৰ কৰে মাস্কে।