অভিযন্তা যোশিতা দাসৰ আত্মহত্যা- অসম চৰকাৰৰ অভ্যন্তৰীণ বিভাগত চলা দুৰ্নীতি-অনিয়মৰ চূড়ান্ত পৰিণামঃ ডিৱাইএফআই

বঙাইগাঁৱৰ লোক নিৰ্মাণ বিভাগৰ  কৰ্মৰত সহকাৰী অভিযন্তা জ্যোষিতা দাসৰ দুখজনক আত্মহত্যাৰ ঘটনা প্ৰকৃততে অসম চৰকাৰৰ এটা বিভাগত চলা দুৰ্নীতি আৰু অনিয়মৰ চূড়ান্ত পৰিণতিৰ ফল বুলি ভাৰতৰ গণতান্ত্ৰিক যুৱ ফেডাৰেছন (ডি ৱাই এফ আই)ৰ অসম ৰাজ্যিক কমিটিয়ে অভিহিত কৰিছে ।

এই আত্মহত্যাৰ ন্যায়ায়িক তদন্ত কৰি ইয়াৰ লগত জড়িত সকলোকে চিনাক্ত কৰি কঠোৰ শাস্তি দিবলৈ ডি ৱাই এফ আইয়ে দাবী জনাইছে। নতুনকৈ নিযুক্তি লাভ কৰা যুৱতী অভিযন্তা গৰাকীয়ে এক চক্ৰবেহুৰ মাজত পৰি কাম কৰি আছিল আৰু উপায়হীন হৈ চৰমপন্থা গ্ৰহণ কৰিছিল। ৰাজ্য চৰকাৰৰ প্ৰতিটো বিভাগতে চলি থকা লুণ্ঠন, অনিয়ম আৰু অনিয়মৰ এয়া চূড়ান্ত পৰিণতি।

সততে উত্থাপিত এক ৰাজহুৱা অভিযোগ যে চৰকাৰৰ বেছিভাগ বিভাগৰ মন্ত্ৰীয়ে বিভাগটোক এটা বিশেষ চক্ৰৰ দ্বাৰ খীৰতি গাইত পৰিণত কৰে আৰু সকলো আইন-কানুন ভৰিৰে মোহাৰি মন্ত্ৰী, উচ্চ বিষয়া আৰু ঠিকাদাৰৰ নিৰ্দেশ মতে তলৰ বিষয়া-কৰ্মচাৰীয়ে কাম কৰিবলগীয়া হয়। নীতিনিষ্ঠ আৰু আত্মসন্মানবোধ থকা বিষয়া কৰ্মচাৰীয়ে এনে পৰিস্থিতিত তীব্ৰ মানসিক অশান্তিৰ মাজেৰে কাম কৰিবলগীয়া হয়। কিছুদিন আগতে বিশ্বনাথৰ   উপাধ্যায় নামৰ শিক্ষয়িত্ৰী এগৰাকীয়ে উচ্চ বিষয়াৰ মানসিক নিৰ্যাতনৰ বলি হৈ চৰম সিদ্ধান্ত গ্ৰহণ কৰিছিল।

গতিকে জ্যোষিতা দাসৰ আত্মহত্যাৰ বিষয়টোৰ পুংখানুপুংখ তদন্ত কৰিব লাগে আৰু ইয়াৰ লগত জড়িত সকলোকে চিনাক্ত কৰি কঠোৰ শাস্তিৰ ব্যৱস্থা কৰক।