তিৱা স্বায়ত্ত্ব পৰিষদৰ নিৰ্বাচনতবিজেপি দলে গণতন্ত্ৰক হত্যা কৰিবলৈ ওলাইছে—প্ৰাক্তন মন্ত্ৰী বুবুল দাস
১৭ ডিচেম্বৰত অনুষ্ঠিত হব লগীয়া তিৱা স্বায়ত্ত পৰিষদৰ নিৰ্বাচনৰ বাবে বিভিন্ন ৰাজনৈতিক দলে প্ৰচাৰ তুংগত কৰি তুলিছে ৷
সেই অনুসৰি আজি ১২ নং নখোলা সমষ্টিৰ কংগ্ৰেছ দলৰ মনোনীত প্ৰাৰ্থী মনেশ্বৰ বৰদলৈৰ নিৰ্বাচনী কাৰ্যালয় উদ্ধোধন সভাত উপস্থিত থাকি প্ৰাক্তন মন্ত্ৰী বুবুল দাসে কয় যে বিভিন্ন দুৰ্নীতি ,কেলেংকাৰীত নিমজ্জিত শাসকীয় দলৰ নেতৃত্বতে পূৰ্ৱৰ তিৱা পৰিষদখনত অচলাৱস্থাৰ ৰূপ লৈছিল।
সম্প্ৰতি ভাজপাৰ প্ৰকৃত স্বৰূপ জনসাাৰণে বুজি পাইছে আৰু সেয়ে সদায় ৰাইজৰ পক্ষত থাকি গণতন্ত্ৰক বিশ্বাস কৰা কংগ্ৰেছ দলটোৰ প্ৰতি পুনৰ ৰাইজৰ আস্থা,বিশ্বাস ঘূৰি আহিছে ।
যদিও শাসকীয়, দলটোৱে কংগ্ৰেছ দলৰ গণভিত্তি দেখি দলটোক নিঃশেষ কৰাৰ এক ষড়যন্ত্ৰ কৰি আহিছে ।
অনুষ্ঠানত জিলা কংগ্ৰেছৰ সভাপতি বীৰকুমাৰ কোঁৱৰ আদিৰ লগতে কংগ্ৰেছ দলৰ বিষয়ববীয়া আৰু স্হানীয় লোক উপস্থিত থাকে।