বেবী ৱাকাৰৰ পৰা কেপচিকামলৈ কি নাই বিহাৰৰ নিৰ্বাচনত!
বিহাৰ বিধান সভা নিৰ্বাচনলৈ মাজত মাত্ৰ কেইটামান দিন বাকী।
২৮ অক্টোৱৰৰ পৰা তিনিটা পৰ্যায়ত অনুষ্ঠিত হ’ব বিহাৰ বিধান সভাৰ নিৰ্বাচন।
সৰ্বভাৰতীয় ৰাজনৈতিক দল কেইটাক বাদ দিও এইবাৰ বিহাৰ বিধান সভা নিৰ্বাচনত অংশগ্ৰহণ কৰিছে কেতিয়াও কোনেও নাম নুশুনা বহু সৰু সৰু ৰাজনৈতিক দলে।
বিহাৰৰ নিৰ্বাচনত ৰাজনৈতিক দলৰ সংখ্যা ইমানেই বেছি হৈছে যে নিৰ্বাচন আয়োগে দল সমূহক নিৰ্বাচনী প্ৰতীক দিয়াৰ ক্ষেত্ৰত চিন্তা কৰিবলগীয়া হৈছে।
মটৰমাহ, আঙুৰৰ পৰা আৰম্ভ কৰি জোতা,চেণ্ডেল সকলো এতিয়া হৈ পৰিছে বিহাৰৰ বহু ৰাজনৈতিক দলৰ নিৰ্বাচনী প্ৰতীক।
মহাৰাষ্ট্ৰত ধনু-কাঁড়ৰ প্ৰতীকেৰে নিৰ্বাচন খেলা শিৱসেনাক বিহাৰত দিয়া হৈছে বিস্কুটৰ নিৰ্বাচনী প্ৰতীক।
একেদৰে বিহাৰৰ প্ৰাক্তন মুখ্যমন্ত্ৰী জিতনৰাম মাঝিৰ দল এইছএএম(এছ)এ লাভ কৰিছে কেৰাহিৰ প্ৰতীক।
পাপ্পু যাদৱৰ দলটোৱে ২০১৫ চনত হকীষ্টিকৰ প্ৰতীকত নিৰ্বাচন খেলিছিল যদিও এইবাৰ পাইছে কাঁচিৰ প্ৰতীক,ভাৰতীয় আম ওৱাম পাৰ্টীৰ প্ৰতীক কেপচিকাম,জেএমএম দলৰ প্ৰতীক এণ্টেনা,ৰাষ্ট্ৰীয় জনশক্তি দলৰ প্ৰতীক আঙুৰ,এনজেচি,আম জনতা পাৰ্টী আৰু বিডিপিৰ প্ৰতীক হৈছে ক্ৰমে কেক,চেণ্ডেল আৰু জোতা।
কোনো দলে লাভ কৰিছে বেবী ৱাকাৰৰ প্ৰতীক।
এনেদৰে বিচিত্ৰ নিৰ্বাচনী প্ৰতীকে এতিয়া বৰ্ণিল কৰি তুলিছে বিহাৰৰ পৰিবেশ।