Facebook bans Taslima Nasreen ফেচবুকত ৭দিনৰ বাবে নিষিদ্ধ তচলিমা নাচৰিণ; কিহৰ বাবে ল’লে এই সিদ্ধান্ত?

Facebook bans Taslima Nasreen জনপ্ৰিয় ছচিয়েল মিডিয়া প্লেটফৰ্ম ফেচবুকে বাংলাদেশৰ জনপ্ৰিয় লেখিকা তচলিমা নাচৰিণৰ প্ৰফাইলক নিষিদ্ধ বুলি চিহ্নিত কৰিছে।

তচলিমাই নিজেই টুইটাৰত এইকথা জানিবলৈ দিছে। তেওঁৰ কোনটো প’ষ্টৰ বাবে ফেচবুকে এই সিদ্ধান্ত লৈছে তাকো লেখিকাগৰাকীয়ে জনাইছে।

সোমবাৰে পুৱাই তচলিমাই টুইট কৰি তেওঁক ৭দিনৰ বাবে ফেচবুকে নিষিদ্ধ কৰাৰ খৱৰটো জনাইছে।

তচলিমাই লিখিছে যে ‘সঁচা কথা কোৱাৰ কাৰণেই ফেচবুকে মোক নিষিদ্ধ কৰিছে।‘

Facebook has banned me for writing '' Islamists destroyed Bangladeshi Hindu houses & temples believing that Hindus placed Quran on Hanuman's thigh. But when it was revealed that Iqbal Hossain did that, not the Hindus, Islamists were silent, said and did nothing against Iqbal…'

— taslima nasreen (@taslimanasreen) November 1, 2021

লেখিকাগৰাকীয়ে বাংলাদেশৰ হিংসাত্মক ঘটনাক লৈ নিজৰ মতামত প্ৰকাশ কৰি এটা প’ষ্ট দিছিল। সেই প’ষ্টটোৰ বাবেই ফেচবুকে তচলিমাক নিষিদ্ধ কৰা বুলি ধাৰণা কৰা হৈছে।

Facebook banned me again for 7 days for telling the truth.

— taslima nasreen (@taslimanasreen) November 1, 2021

তচলিমা নাচৰিণ সদায় ‘সাহসী’ বক্তৱ্য প্ৰকাশ কৰাৰ বাবে পৰিচিত। ১৯৯৪চনৰ পৰা তচলিমা নিজ জন্মভূমিৰ পৰা নিৰ্বাসিত হৈ আছে। পিচে, লেখিকাগৰাকী তাৰপাছতো সদায় সৰৱ।

তচলিমা টুইটাৰ, ফেচবুকৰ দৰে ছচিয়েল মিডিয়া প্লেটফৰ্মত সদায় সৰৱ। এইবাৰ তেওঁৰ স্পষ্ট তথা সাহসী বক্তৱ্যত আপত্তি তুলিছে ফেচবুকে।