গুজৰাটৰ কাৰখানাত পাঁচ বছৰ ধৰি তৈয়াৰ কৰি আহিছে ইউৰিয়া আৰু ডিটাৰজেণ্ট মিহলি ‘গাখীৰ’
গুজৰাটত উদ্ধাৰ হৈছে এটা ভুৱা গাখীৰৰ কাৰখানা। এক গোপন সূত্ৰৰ ভিত্তিত তদন্তকাৰীয়ে কাৰখানাটোত অভিযান চলায়, য’ত প্ৰায় পাঁচ বছৰ ধৰি ‘কৃত্ৰিম গাখীৰ’ তৈয়াৰ হৈ আছিল। অভিযোগ উত্থাপন হৈছে যে এই মিশ্ৰিত গাখীৰ ওচৰৰ চহৰ আৰু গাঁৱলৈ যোগান ধৰা হৈছিল।
গুজৰাটৰ সাবৰকান্ত জিলাত আছিল এই কাৰখানাটো। নিৰ্দিষ্ট চোৰাংচোৱাৰ তথ্যৰ ভিত্তিত ভাৰতীয় খাদ্য সুৰক্ষা আৰু মান প্ৰাধিকৰণে যোৱা ৮ ফেব্ৰুৱাৰীত ইউনিটটোত অভিযান চলাইছিল।
অভিযানৰ সময়ত বিষয়াসকলে ইউৰিয়া আৰু বিভিন্ন প্ৰচেছড ‘পাউডাৰ’ৰ সৈতে সামান্য পৰিমাণৰ প্ৰকৃত গাখীৰ মিহলাই গাখীৰৰ দৰে তৰল পদাৰ্থ (ইউৰিয়া ডিটাৰজেণ্ট মিশ্ৰিত নকল গাখীৰ) তৈয়াৰ কৰা ধৰা পেলাইছে, যিটোৱে মানৱ শৰীৰৰ স্বাস্থ্যৰ বাবে ভয়াৱহ বিপদৰ সৃষ্টি কৰিব পাৰে।
এফ এছ এছ এ আইৰ এক্স পোষ্টত শ্বেয়াৰ কৰা ভিডিঅ’ অনুসৰি অভিযানৰ সময়ত ১,৩৭০ লিটাৰ মিশ্ৰিত গাখীৰ ধ্বংস কৰা হয়। গ্ৰাহকসকলকো সতৰ্ক হৈ থাকিবলৈ কোৱা হৈছে আৰু সন্দেহজনক দুগ্ধজাত সামগ্ৰীৰ খবৰ দিবলৈ কোৱা হৈছে।
ভুৱা গাখীৰ কেনেকৈ তৈয়াৰ কৰা হৈছিল?
টাইমছ অৱ ইণ্ডিয়াৰ সূত্ৰ অনুসৰি প্ৰকৃত গাখীৰৰ ৰং, ঘনত্ব আৰু প্ৰটিনৰ মাত্ৰা অনুকৰণ কৰিবলৈ কেইবাটাও পদাৰ্থ মিহলি কৰা হৈছিল। ইয়াৰ ভিতৰত আছিল,
• ডিটাৰজেন্ট পাউদাৰ
• ইউৰিয়া সাৰ
• কষ্টিক চোডা
• ৰিফাইন কৰা পাম অইল
• শোধিত সৰিয়হৰ তেল
• ৱেই পাউদাৰ
• স্কিম কৰা গাখীৰৰ গুড়ি
• প্ৰিমিয়াম এছএমপি পাউদাৰ
তদন্তকাৰীয়ে দাবী কৰিছে যে মাত্ৰ প্ৰায় ৩০০ লিটাৰ প্ৰকৃত গাখীৰ ব্যৱহাৰ কৰি দৈনিক ১৭০০ৰ পৰা ১৮০০ লিটাৰ ভুৱা গাখীৰ তৈয়াৰ কৰা হৈছিল। পিছলৈ এই মিশ্ৰণটো পাউচত ভৰাই সাবৰকান্ত আৰু মেহছানা জিলালৈ গাখীৰ আৰু মাখন হিচাপে যোগান ধৰা হৈছিল।
প্ৰান্তিজৰ ছালাল গাঁৱৰ সমীপৰ ‘শ্ৰী সত্য দুগ্ধ সামগ্ৰী’ নামৰ কাৰখানাটোত স্থানীয় অপৰাধ শাখা আৰু খাদ্য সুৰক্ষাৰ বিষয়াসকলে যৌথ অভিযান চলায়। বাতৰি অনুসৰি তেওঁলোকে উদ্ধাৰ কৰিছে—
• প্ৰায় ১৯৬২ লিটাৰ ভেজাল গাখীৰ
• ১১০০ লিটাৰতকৈ অধিক ভেজাল মাখন
• প্ৰায় ৭১ লাখ টকাৰ কেঁচামাল আৰু ৰাসায়নিক সামগ্ৰী
কাৰখানাটো লগে লগে ছীল কৰি দিয়া হয় । নমুনা সংগ্ৰহ কৰি পৰীক্ষাগাৰলৈ প্ৰেৰণ কৰা হৈছে যাতে ভেজালৰ পৰিমাণ আৰু প্ৰকৃতিৰ বিষয়ে বিতংভাৱে জানিব পৰা যায়।
You may also like
শ্বিলঙৰ গীৰ্জা ঘৰত ভয়ংকৰ অগ্নিকাণ্ড; শ্বাসৰুদ্ধ হৈ দুজনৰ মৃত্যু
দেওবাৰে পুৱতি নিশা শ্বিলঙৰ কুৱালাপট্টিত থকা ‘চাৰ্চ অৱ গ’ড’ নামৰ এটা গীৰ্জা ঘৰ এক বিধ্বংসী অগ্নিকাণ্ডৰ জুইত জাহ যায়। উক্ত অগ্নিকাণ্ডৰ ফলত…
সন্তোষ ট্ৰফীত পঞ্জাৱক ২-১ গলৰ ব্যৱধানত পৰাস্ত কৰে মিজেৰামে
৭২ তম সন্তোষ ট্ৰফী ৰাষ্ট্ৰীয় ফুটবল প্ৰতিযোগিতাৰ এখন খেলত শনিবাৰে মিজোৰামে পঞ্জাৱক ২-১ গলৰ ব্যৱধানত পৰাজিত কৰি ছেমিফাইনেলত স্থান নিশ্চিত কৰিছে। মিজোৰামে…
মুখ্যমন্ত্ৰী হিমন্ত বিশ্ব শৰ্মা চৰকাৰৰ এমহীয়া কাৰ্যকালৰ বিফলতা উদঙালে প্ৰদেশ কংগ্ৰেছে
বিজেপি চৰকাৰে ৫ বছৰ আৰু ১ মাহ অতিক্ৰম কৰিলে।এই সময়চোৱাত তেওঁলোকৰ কেৱল নেতা গৰাকী সলনি হ’ল।নতুন মুখ্যমন্ত্ৰী হিমন্ত বিশ্ব শৰ্মাই ড্ৰাগছ আৰু…
কোটি টকাত টিকট বিক্ৰীৰ অভিযোগ! প্ৰাৰ্থীত্ব নাপাই নিৰ্দলীয়ভাৱে মনোনয়ন দাখিল আপৰ বিধায়কৰ
হৰি নগৰৰ পৰা বিদায়ী আপৰ বিধায়ক ৰাজকুমাৰী ধিলনে আগন্তুক দিল্লী বিধানসভা নিৰ্বাচনৰ টিকট নোপোৱাত হতাশা প্ৰকাশ কৰে। প্ৰথম অৱস্থাত ২০২৪ চনৰ ১৫…