অভিনয় ত্যাগ কৰি যৌনকৰ্মী হৈ শেষ জীৱনত ভিক্ষা খুজি অনাহাৰে মৃত্যুবৰণ কৰিলে এইগৰাকী অভিনেত্ৰী

প্ৰতিদিনে হাজাৰ হাজাৰ যুৱতীয়ে অভিনেত্ৰী হোৱাৰ সপোন লৈ চিনেমা উদ্যোগটোত প্ৰৱেশ কৰে। সকলো সপোন বাস্তৱায়িত নহয়। কেতিয়াবা এনেকুৱাও দেখা যায় যে এবাৰ জনপ্ৰিয় নায়ক বা নায়িকাসকল সামান্য ভুলৰ ফলত উদ্যোগটোৰ পৰা হেৰাই যায়। ইয়াৰে কিছুমানৰ পৰিণতি অতি মৰ্মান্তিক হৈ পৰিছে। তেনে এগৰাকী অভিনেত্ৰী আছিল নিশা নূৰ।

দক্ষিণ ভাৰতীয় চিনেমাৰ এগৰাকী জনপ্ৰিয় অভিনেত্ৰী আছিল নিশা। এটা সময় আছিল যেতিয়া উদ্যোগত তেওঁ অভিনয়ৰ বাবেই ডাঙৰ তাৰকাৰ সৈতে কাম কৰাৰ সুযোগ পাইছিল। আশীৰ দশকৰ সময়ছোৱাত তামিল, তেলেগু, মালয়ালম আৰু কানাড়া ভাষাৰ ছবিত তেওঁৰ যথেষ্ট চাহিদা আছিল। অভিনয়ৰ উপৰিও তেওঁৰ গ্লেমাৰে দৰ্শকক আপ্লুত কৰিছিল। কিন্তু ইমান ডাঙৰ অভিনেত্ৰী হৈও ভুল দিশত ভৰি দিলে নিশাই।

আশীৰ দশকত উদ্যোগটোৰ ডাঙৰ ডাঙৰ তাৰকাসকলে সেই সময়ত নিশাৰ সৈতে কাম কৰিবলৈ আগ্ৰহী আছিল। পৰ্দাত সাহসী দৃশ্যত অভিনয় কৰি তেওঁ যথেষ্ট জনপ্ৰিয় হৈ পৰিছিল। ৰজনীকান্ত আৰু কমল হাছানৰ সৈতে অভিনয় কৰিছিল নিশাই। বিষু, বালাচন্দ্ৰন, চন্দ্ৰশেখৰ আদি বিখ্যাত পৰিচালকৰ সৈতেও কাম কৰিছিল তেওঁ। কিন্তু হঠাৎ তেওঁৰ জীৱনলৈ আহিল বেয়া সময়।

কিছুসময়ৰ পাছত নিশাই চিনেমাৰ বাবে অফাৰ লাভ নকৰা হ’ল। তেওঁ উদ্যোগটোত কোনো ধৰণৰ কামৰ সুযোগ নোপৱা হ’ল। সেই সময়ত এজন প্ৰযোজকে তেওঁক শৰীৰৰ ব্যৱসায়ত প্ৰৱেশ কৰিবলৈ কৈছিল। তেওঁৰ কথাত মান্তি হৈছিল নিশা।

অভিনয় ত্যাগ কৰাৰ পিছত শৰীৰৰ ব্যৱসায় হৈ পৰিল নিশাৰ উপাৰ্জনৰ একমাত্ৰ উপায়। ইফালে নিশাই যে দেহ ব্যৱসায়ক কেৰিয়াৰ লৈছে সেই কথা জানি ইণ্ডাষ্ট্ৰীৰ মানুহবোৰেও নিশাক এৰাই চলিবলৈ ধৰিলে।

সেই সময়ত কেৱল উদ্যোগটোৰ মানুহেই তাইক পিঠি দিয়াই নহয়, নিশাৰ পৰিয়ালৰ কোনেও তাইৰ খবৰ ৰাখিব পৰা নাছিল। ইফালে তেওঁৰ কষ্টোপাৰ্জিত সকলো উপাৰ্জন নোহোৱা হৈ গ’ল। ৰাতিটোৰ ভিতৰতে ৰাজপথৰ ভিক্ষাৰী হৈ পৰিল। 

পাছত তামিল এন জি অ’ এটাই তেওঁক এটা দৰগাহৰ সন্মুখত পথৰ পৰা উদ্ধাৰ কৰে। তেতিয়া তেওঁক চিনি পোৱাটোৱেই কঠিন হৈ পৰিছিল। শীৰ্ণকায় আৰু অনাহাৰে থকা নিশাৰ শৰীৰটো দেখি অনুৰাগীসকল হতভম্ব হৈ পৰে। তেওঁৰ শৰীৰত এইডছ ৰোগে শিপাইছিল। ২০০৭ চনত তেওঁ অকলে তামিলনাডুৰ এখন চিকিৎসালয়ত শেষ উশাহ লৈছিল।