অন্নদাতাৰ প্ৰতিবাদঃ ২০২১ চনত মহিলা কৃষকৰ বিৰুদ্ধে কৰা মন্তব্যৰ বাবে ক্ষমা বিচাৰিলে কংগনা ৰানাৱটে

সোমবাৰে (২৮ অক্টোবৰ) পঞ্জাৱৰ বাথিণ্ডা চহৰৰ এখন আদালতে ২০২১ চনত দাখিল কৰা মানহানিৰ গোচৰত বিজেপিৰ সাংসদ তথা অভিনেত্ৰী কংগনা ৰানাউটক জামিন মঞ্জুৰ কৰে। কৃষকৰ প্ৰতিবাদৰ সময়ত ৮১ বছৰীয়া প্ৰতিবাদকাৰী কৃষক মহিন্দৰ কৌৰৰ বিৰুদ্ধে ৰানাৱটে কৰা অভিযোগৰ অপমানজনক মন্তব্যৰ পৰাই এই গোচৰটো উদ্ভৱ হৈছে।

আদালতৰ এই সিদ্ধান্তৰ পিছতে কংগনাই পূৰ্বৰ ছ’চিয়েল মিডিয়াত দিয়া বক্তব্যৰ ফলত সৃষ্টি হোৱা “ভুল বুজাবুজি”ক লৈ দুখ প্ৰকাশ কৰি কয় যে প্ৰতিগৰাকী মাতৃ তেওঁৰ প্ৰতি সন্মানীয়।

সংবাদ সংস্থা পিটিআইৰ মতে, যোৱা ছেপ্টেম্বৰ মাহত আদালতে হিমাচল প্ৰদেশৰ মাণ্ডীৰ বিজেপি সাংসদগৰাকীক আদালতে ব্যক্তিগতভাৱে হাজিৰ হ’বলৈ নিৰ্দেশ দিছিল আৰু ভিডিঅ’ কনফাৰেন্সৰ জৰিয়তে হাজিৰ হ’বলৈ দিয়া তেওঁৰ আবেদন নাকচ কৰিছিল। অভিনেত্ৰীগৰাকীৰ হাজিৰ হোৱাৰ পূৰ্বে বাথিণ্ডা আদালত কমপ্লেক্স আৰু ইয়াৰ আশে-পাশে নিৰাপত্তা বৃদ্ধি কৰা হয়, য’ত কংগনা নিৰাপত্তাৰক্ষী আৰু স্থানীয় আৰক্ষীৰ সৈতে উপস্থিত হয়।

উল্লেখ্য যে ২০২১ চনত এতিয়া বাতিল হোৱা কৃষি আইনৰ বিৰুদ্ধে কৃষকৰ প্ৰতিবাদৰ সময়ত এই মন্তব্য কৰিছিল কংগনাই।