নগাঁৱৰ জামুগুৰিত ভয়ংকৰ অগ্নিকাণ্ড : ৰাজনৈতিক প্ৰতিহিংসাৰ সন্দেহ
নগাঁও জিলাৰ জাজৰি জামুগুৰিত অগপ নেত্ৰী অৱন্তী দেৱীৰ ঘৰৰ চৌহদত থকা খেৰৰ মেজিত দুৰ্বৃত্তই অগ্নিসংযোগ কৰাৰ ফলত খেৰৰ মেজিৰ লগতে এখন স্কুটাৰ আৰু এখন চাইকেল জুইত জাহ যোৱা ঘটনাই সমগ্ৰ জাজৰি অঞ্চলত তীব্ৰ প্ৰতিক্ৰিয়াৰ সৃষ্টি কৰিছে।
জানিব পৰা মতে, সোমবাৰে পুৱতি নিশা অগ্নিনিৰ্বাপক বাহিনী, জাজৰি আৰক্ষী আৰু ৰাইজৰ প্ৰচেষ্টাত জুই নিৰ্বাপন কৰা হয়। এই সকলোৰে প্ৰচেষ্টাত জুই বিয়পি পৰাৰ পৰা ৰোধ হোৱাৰ লগতে এক ব্যাপক ক্ষতিৰ পৰাও অঞ্চলবাসী ৰক্ষা পৰে।
উল্লেখ্য যে, সদ্যসমাপ্ত পঞ্চায়ত নিৰ্বাচনত হাতীচোং জিলা পৰিষদৰ অগপ দলৰ প্ৰাৰ্থী হিচাপে অৱন্তী দেৱী অৱতীৰ্ণ হৈছিল। অৱন্তী দেৱী অঞ্চলটোত এগৰাকী জনপ্ৰিয় নেত্ৰী হিচাপে যথেষ্ট সমৰ্থনো লাভ কৰিছিল।
আনহাতে, অৱন্তী দেৱীয়ে নিৰ্বাচনী ফলাফলত বুজন সংখ্যক ভোট লাভ কৰিও পৰাজিত হয়। কিন্তু আঞ্চলিক দলটোৰ এই প্ৰাৰ্থীগৰাকীৰ প্ৰতি ৰাজনৈতিক প্ৰতিহিংসাৰ অভিযোগো উত্থাপন হৈছে।
জানিব পৰা মতে, নিৰ্বাচনৰ প্ৰাকমূহূৰ্ততো অৱন্তী দেৱীৰ নিৰ্বাচনী কাৰ্যালয়ত দুৰ্বৃত্তই আক্ৰমণ চলাইছিল।
You may also like
এছিয়ান গেইমছলৈ টিকট নিশ্চিত আন এগৰাকী অসম কন্যা কবিতা দেৱীৰ
১৯ আগষ্টৰ পৰা ইণ্ডোনেছিয়াৰ ৰাজধানী চহৰ জাকাৰ্টাত অনুষ্ঠিত হ’বলগীয়া এছিয়ান গেইমছত এইবাৰ অসমৰ সৰ্বাধিক সংখ্যক ক্ৰীড়াবিদে ভাগ ল’ব। ইতিমধ্যে এইপৰ্যন্ত ছয়গৰাকী খেলুৱৈয়ে গেইমছত…
অতুল বৰাক মৃত্যুৰ ভাবুকিৰ পিছতে তৎপৰ আৰক্ষী: তদন্ত আৰম্ভ
ৰাজ্যৰ কৃষি মন্ত্ৰী অতুল বৰাক ফেচবুকত এক কমেণ্ট যোগে এগৰাকী ব্যক্তিয়ে মৃত্যুৰ ভাবুকি দিয়াৰ পিছতে গোচৰটোৰ তদন্ত আৰম্ভ কৰিছে অসম আৰক্ষীয়ে। মন্ত্ৰীগৰাকীক…
অসমৰ ১,৩৯১খন বিদ্যালয়ত খোৱাপানী, শৌচাগাৰৰ অভাৱঃ বিধানসভাত ৰণোজ পেগুৰ অকপট স্বীকাৰোক্তি
অসমৰ শিক্ষামন্ত্ৰী ৰণোজ পেগুৱে বিধানসভাৰ আগত কয় যে চৰ আৰু গ্ৰামাঞ্চলত মুঠ ১,৩৯১খন চৰকাৰী বিদ্যালয়ত ছাত্ৰ-ছাত্ৰীৰ বাবে খোৱাপানী আৰু শৌচাগাৰৰ ব্যৱস্থা নাই।…
দুৰ্ঘটনাত পতিত প্ৰাক্তন কংগ্ৰেছী মন্ত্ৰী ৰকিবুল হুছেইনৰ বাহন : কথমপি ৰক্ষা বৰ্তমানৰ বিধায়কগৰাকী
প্ৰাক্তন মন্ত্ৰী তথা বৰ্তমানৰ কংগ্ৰেছী বিধায়ক ৰকিবুল হুছেইনৰ বাহনখন দুৰ্ঘটনাত পতিত হৈছে। নগাঁওৰ এক প্ৰতিবাদী কাৰ্যসূচীত অংশগ্ৰহণ কৰি গুৱাহাটীলৈ আহি থকা অৱস্থাত…