শোচনীয় লখিমপুৰৰ বান পৰিস্থিতি : ক্রমাগত ৬ দিন ধৰি ৰঙানদী বান্ধৰ পানী এৰি আছে নীপকোৱে
ক্ৰমাৎ শোহচনীয় হৈ পৰিছে লখিমপুৰ জিলাৰ বান পৰিস্থিতি।
যোৱা ছটাকৈ দিন অবিৰতভাৱে অৰুণাচনলৰ য়াজুলিত অৱস্থিত নীপকোৰ ৰঙানদী হাইড্ৰ’ ইলেক্ট্ৰিক বান্ধৰ পানী এৰি দিয়াৰ ফলত বান্ধৰ নামিন অঞ্চল যোৱা ছদিন ধৰি জলমগ্ন হৈ আছে।
জিলা জৰুৰী অভিযান কেন্দ্ৰ( DEOC)ৰ মতে যোৱা ২২ মে’ৰ পৰা আজি পুৱা ১০ বজালৈকে নীপকো বান্ধে পানী এৰি আছে।
ইফালে জিলাখনত যোৱা ২৪ ঘণ্টা ধৰি অব্যাহত থকা বৰষুণৰ ফলতো জিলাখনৰ নৈ-উপনৈসমূহৰ জলপৃষ্ঠ বৃদ্ধি পাই ন ন ঠাই প্লাৱিত কৰিছে।
নীপকো আৰু DEOC লখিমপুৰে ৰঙানদী বান্ধৰ গেট খুলি দিয়াৰ সম্পৰ্কে জনালেও বান্ধৰ গেটেৰ কিমান পৰিমাণৰ পানী এৰিছে সেই সম্পৰ্কে একো তথ্য প্ৰকাশ কৰা নাই।
ইফালে নীপকোৰ ৱেবচাইটত বুধবাৰৰ দিনৰ ২.৩০ বজালৈকে ৫৬৭.৫০ কিউমিক পৰিমাণৰ আন্তপ্ৰৱাহৰ পানী এৰি দিয়াৰ তথ্য প্ৰকাশ কৰিছে যদিও বান্ধৰ কিমান পানী এৰি দিয়া হৈছে সেই সম্পৰ্কে ৱেবটাইটত কোনো তথ্য উল্লেখ নাই।
আনহাতে লখিমপুৰৰ ৰঙানদী বান্ধৰ দ্বাৰা হোৱা এই বানত এইবাৰ দেখা গৈছে যে বান্ধৰ নামনিৰ অংশত অন্য এক বানৰ প্ৰৱাহে উত্তৰ লখিমপুৰ ৰঙানদীৰ বান্ধৰ বাবে স্থাপন কৰা বান সতৰ্কতাৰ প্ৰণালীক ক্ষতিগ্ৰস্ত কৰিছে।
ইফালে যোৱা ৬ দিন ধৰি অব্যাহত থকা ধাৰাষাৰ বৰষুণৰ বাবে লখিমপুৰৰ প্ৰধান নদী সোৱণশিৰিৰ লগতে ব্ৰহ্মপুত্ৰৰ জলপৃষ্ঠও ২৪ ঘণ্টাত ক্ৰমাগত বাবে বৃদ্ধি পাইছে। আৰু ছখনকৈ ৰাজহ গাঁও এই বানত বুৰ গৈছে।
আনহাতে জিলাখনৰ অন্যান্য ঠাইৰ লগতে নাওবৈচাৰ বহু কৃষিভূমি বানত বুৰ যোৱাৰ ফলত শস্যও নষ্ট হৈছে।