ফুটবলৰ কিংবদন্তী পেলেৰ মহাপ্ৰয়াণ : মাতৃয়ে নাজানে পুত্ৰৰ বিয়োগৰ কথা

দীৰ্ঘদিন কৰ্কটত ৰোগত আক্ৰান্ত হৈ থকা কিংবদন্তী ফুটবলাৰ পেলেই জীৱনৰ সৈতে হাৰ মানি যোৱা ২৯ ডিচেম্বৰৰ দিনা শেষ নিদ্ৰাক আকোঁৱালি ল’লে। শাৰীৰিক অৱস্থাৰ অধিক অৱনতি ঘটাৰ বাবে ২৯ নৱেম্বৰত ছাও পাওলোৰ এলবাৰ্ট আইনষ্টাইন হাস্পতালত ভৰ্তি কৰোৱা হৈছিল তাৰকা ফুটবলাৰগৰাকীক।

২৯ ডিচেম্বৰ বৃহস্পতিবাৰে চিকিৎসালয়ৰ বিচনাত শেষ উশাহ লৈছিল ফুটবলৰ সম্ৰাটগৰাকীয়ে। পেলেৰ মৃত্যুৰ সময়ত জীৱিত আছিল পেলেৰ মাতৃ।

হয়তো আজিও পেলেৰ ১০০ বছৰীয়া মাতৃয়ে হয়তো নাজানে পুত্ৰৰ মৃত্যুৰ কথা। মাতৃয়ে নাজানে যে তেওঁৰ পুত্ৰ আৰু নাই। এই খবৰ প্ৰকাশ কৰিছে সংবাদ সংস্থা দ্য মিৰৰে।

দ্য মিৰৰে প্ৰকাশ কৰিছে যে পেলেৰ মৃত্যুৰ কথা মাকক কোৱা হোৱা নাছিল। পিছত তেওঁ সেই খবৰটো লাভ কৰিছিল যদিও বাৰ্ধক্যজনিত কাৰণৰ বাবে তেওঁ সেই খবৰৰ গুৰুত্ব বুজিব পৰা নাছিল।

পেলেৰ মাকক চোৱা-চিতা কৰিছিল পেলেৰ ভগ্নী মাৰিয়া লুচিয়াই। পেলেৰ ভগ্নী মাৰিয়াই জনাইছে যে -, “আমি দাদাৰ মৃত্যুৰ কথা মাক জনাইছিলোঁ।” কিন্তু এই কথাটোৰ গুৰুত্ব তেওঁ বুজিব পৰা নাছিল।

মাৰিয়াই লগতে ক’লে যে, ‘যেতিয়া মই পেলেৰ মৃত্যুৰ কথা মাক ক’লোঁ আৰু ক’লোঁ যে  ‘তেওঁৰ বাবে প্ৰাৰ্থনা কৰক।’ কিন্তু মই কোৱা কথাখিনি বুজিবলৈ মাৰ চেতনা নাছিল।

কিছুদিন পূৰ্বে মাতৃৰ ১০০ বছৰীয়া জন্মদিনত পেলেই মাতৃৰ সৈতে থকা এখন ছবি পোষ্ট কৰি ছ’চিয়েল মিডিয়াত লিখিছিল – ‘আজি আমি চেলেষ্টেৰ জীৱনৰ ১০০ বছৰ উদযাপন কৰিছোঁ।

উল্লেখ্য যে সৰুৰে পৰাই মাতৃয়ে পেলেক প্ৰেম আৰু শান্তিৰ প্ৰকৃত গুৰুত্ব শিকাইছিল। এই কথা উক্ত আপডেটটোত উল্লেখ কৰি মাতৃক ধন্যবাদ জনাইছিল ফুটবলাগৰাকীয়ে।