লুণ্ঠন! অসম ক্রিকেট সন্থাৰ প্রাক্তন কোষাধ্যক্ষ মুনীন্দ্র নাথ শইকীয়াক গ্রেপ্তাৰ

ৰাজ্যখনৰ ক্রিকেটৰ উন্নয়নৰ নামত আবণ্টিত ধন লুণ্ঠনৰ অভিযোগত এইবাৰ অসম আৰক্ষীয়ে গ্রেপ্তাৰ কৰিলে প্রাক্তন কোষাধ্যক্ষ মুনীন্দ্র নাথ শইকীয়াক ৷

অসম ক্ৰিকেট সন্থাৰ ৫০ কোটি টকীয়া বিত্তীয় কেলেংকাৰীৰ অভিযোগত সন্থাৰ প্রাক্তন সাধাৰণ সম্পাদক প্রদীপ বুঢ়াগোহাঁইক গ্ৰেপ্তাৰ কৰাৰ পাছত বৃহস্পতিবাৰে অসম আৰক্ষীয়ে প্ৰাক্তন কোষাধ্যক্ষ মুনীন্দ্র নাথ শইকীয়াক গ্ৰেপ্তাৰ কৰে।

মহানগৰীৰ ফটাশিল আমবাৰী থানাৰ আৰক্ষীয়ে গ্ৰেপ্তাৰ কৰিছে প্রাক্তন কোষাধ্যক্ষ মুনীন্দ্র নাথ শইকীয়াক ৷

লগতে পঢ়ক: এনকাউন্টাৰ! নগাঁৱত আৰক্ষীৰ গুলীত আহত সন্দেহজনক ড্ৰাগছ সৰবৰাহকাৰী

যোৱা ১৬ ডিচেম্বৰত অসম ক্ৰিকেট সন্থাৰ প্রাক্তন সাধাৰণ সম্পাদক প্রদীপ বুঢ়াগোহাঁইক গ্রেপ্তাৰ কৰা হৈছিল৷

মাত্র তিনি বছৰতে প্রায় ৫০ কোটি টকাৰ বিত্তীয় কেলেংকাৰী সংঘটিত কৰি অসম ক্রিকেট সন্থাত লুণ্ঠন চলোৱা প্রাক্তন সাধাৰণ সম্পাদক প্রদীপ বুঢ়াগোহাঁইক সহযোগ কৰিছিল সেই সময়ৰ কোষাধ্যক্ষ মুনীন্দ্র নাথ শইকীয়াই৷

লগতে পঢ়ক:যোৰহাট আৰক্ষীৰ বৃহৎ সাফল্য; নিচাযুক্ত টেবলেটসহ আটক চাৰিজন যুৱক

যোৱা ৬ ডিচেম্বৰত এই বিত্তীয় কেলেংকাৰি সন্দর্ভত অসম ক্রিকেট সন্থাৰ বর্তমানৰ কমিটীয়ে ফটাশিল আৰক্ষী থানাত এখন এজাহাৰৰ দাখিল কৰিছিল৷ উক্ত এজাহাৰৰ ভিত্তিত যোৱা ১৬ ডিচেম্বৰত  প্রাক্তন সম্পাদক বুঢ়াগোহাঁইক টিংখাঙৰ পৰা গ্রেপ্তাৰ কৰা হৈছিল।