সূৰ্য্যকুমাৰ যাদৱক নিউজিলেণ্ডৰ হৈ আন্তঃৰাষ্ট্ৰীয় ক্ৰিকেট খেলাৰ বাবে আমন্ত্ৰণ
নিউজিলেণ্ডৰ প্ৰাক্তন অলৰাউণ্ডাৰ স্কট ষ্টাইৰিছে সূৰ্য্যকুমাৰ যাদৱক অষ্ট্ৰেলিয়াগামী ভাৰতীয় দলত স্থান নিদিয়া বাবে ভাৰতীয় ক্ৰিকেট নিয়ন্ত্ৰণ বোৰ্ডক সমালোচনা কৰে।
ষ্টাইৰিছে সূৰ্য্যকুমাৰ যাদৱে যদিহে আন্তঃৰাষ্ট্ৰীয় ক্ৰিকেট খেলিবলৈ বিচাৰে তেওঁক নিউজিলেণ্ডৰ হৈ খেলাৰ বাবে কয়।
‘‘যদিহে সূৰ্য্যকুমাৰ যাদৱে আন্তঃৰাষ্ট্ৰীয় ক্ৰিকেট খেলিবলৈ সুবিধা পোৱা নাই তেওঁ নিউজিলেণ্ডলৈ আহিব পাৰে,’’ ষ্টাইৰিছে লগতে কয়।
উল্লেখযোগ্য যে, অষ্ট্ৰেলিয়াগামী ভাৰতীয় দলত সূৰ্য্যকুমাৰ যাদৱে স্থান লাভ নকৰাৰ এদিন পাছতে আই পি এলত ৰোয়েল চেলেঞ্জাৰ বাংগালোৰৰ বিৰুদ্ধে খেলা এখন খেলত যাদৱে নিজ দল মুম্বাই ইণ্ডিয়ানছৰ হৈ দৰ্শনীয় প্ৰদৰ্শনেৰে দলক বিজয়ী কৰাইছিল।
ভাৰতৰ প্ৰাক্তন তাৰকা অফস্পীনাৰ হৰভজন সিঙৰ লগতে বীৰেন্দ্ৰ ছেহৱাগেও যাদৱক ভাৰতীয় দলত স্থান নিদিয়াত দল নিৰ্বাচক সমিতিক সমালোচনা কৰে।
‘‘মই নাজানো সূৰ্য্যকুমাৰ যাদৱে ভাৰতীয় দলত স্থান লাভ কৰিবলৈ কি কৰিব লাগিব?…..তেওঁ ক্ৰমাগতভাৱে আই পি এল আৰু ঘৰুৱা ক্ৰিকেটত ৰান সংগ্ৰহ কৰি আছে……ৰেকৰ্ড উঠাই চাব পাৰে,’’ হৰভজন সিঙে এইদৰে কয়।