ছত্তীশগড়ৰ নক্সালবাদী আক্ৰমণত শ্বহীদ হ’ল অসমৰ বিপুল বৰাকে ধৰি চাৰিজন বি এছ এফৰ জোৱান
বৃহস্পতিবাৰে ছত্তীশগড়ৰ কানকেৰ জিলাত বি এছ এফৰ সৈতে হোৱা নক্সালবাদীৰ সংঘৰ্ষত শ্বহীদ হয় অসমৰ বীৰ জোৱান বিপুল বৰা। শ্বহীদ বিপুল বৰাৰ ঘৰ শিৱসাগৰ জিলাৰ দিখৌমুখৰ ধনেখোৱাত। বি এছ এফৰ ১১৪ নং বেটেলিয়নৰ জোৱান আছিল বিশ বছৰ পূৰ্বে বি এছ এফত যোগদান কৰা বিপুল বৰা।
বৃহস্পতিবাৰে ছত্তীশগড়ৰ কানকেৰ জিলাত ১১৪ নং বি এছ এফৰ এটা দলে নক্সালবাদী অধ্যুষিত অঞ্চলত পহৰা দি থাকোতে দলটোৰ ওপৰত নক্সালবাদীয়ে আই ই ডি আৰু গোলা-বাৰুদেৰে আক্ৰমণ চলায় আৰু এই আক্ৰমণত বি এছ এফৰ পহৰাদাৰী দলটোৰ বিপুল বৰাকে ধৰি চাৰিজন জোৱান শ্বহীদ হোৱাৰ লগতে দুজন জোৱান আহত হয়।
ছত্তীশগড়ৰ মুখ্য মন্ত্ৰী ভূপেশ বাঘেলে বি এছ এফৰ ওপৰত হোৱা নক্সালবাদী আক্ৰমণক গৰিহণা দি বীৰ শ্বহীদ সকললৈ শ্ৰদ্ধা জনায় আৰু কঠোৰ হাতেৰে নক্সালবাদীক দমন কৰা হ’ব বুলি কয়।
উল্লেখযোগ্য যে, বিগত ফেব্ৰুৱাৰি মাহত কাশ্মীৰৰ পুলুৱামাত হোৱা সন্ত্ৰাসবাদীৰ আক্ৰমণত অসমৰ জোৱান মনেশ্বৰ বসুমতাৰীৰ লগতে ৪০ জন চি আৰ পি এফৰ জোৱান শ্বহীদ হৈছিল।
You may also like
মালিৰ সোণৰ খনিত খহনীয়া, সুৰংগ ভাঙি পৰি কমেও ৭৩ জনৰ মৃত্যু
আফ্ৰিকাৰ দেশ মালিত সোণৰ খনিৰ সুৰংগ ভাঙি ৭৩ জনতকৈ অধিক শ্ৰমিকৰ মৃত্যু ঘটিছে। এই ঘটনাত আন বহুতো লোক আহত হয়। যোৱা শুকুৰবাৰে…
অসমত নতুনকৈ নিৰ্মাণ হ’ব ৬খন ফ্লাই অ’ভাৰ
গুৱাহাটী মহানগৰীত পুনৰ নিৰ্মাণ হ’ব তিনিখন ফ্লাই অ’ভাৰ। যানজঁট-প্ৰৱণ এলেকা হিচাপে চিহ্নিত লখৰা, গৰচুক আৰু বশিষ্ট চাৰিআলিত নিৰ্মাণ হ’ব এই তিনিখন ফ্লাই…
ৰাংছালীত ব্ৰহ্মপুত্রত উদ্ধাৰ নথিপত্ৰ সম্বলিত বেগ; নিমাতী ঘাটৰ নাও দুৰ্ঘটনাৰ যাত্ৰীৰ হোৱাৰ সন্দেহ
বিহালীৰ ৰাংছালী অঞ্চলৰ ব্ৰহ্মপুত্ৰ নৈত উদ্ধাৰ হৈছে এজন ব্যক্তিৰ গুৰুত্বপূৰ্ণ নথি পত্ৰ সহ পৰিচয় পত্ৰ। এটা বেগত উদ্ধাৰ হৈছে এই নথি পত্ৰসমূহ।…
মেলবৰ্ণত ভাৰতীয় দলৰ মহাবিজয়, অষ্ট্ৰেলিয়াক পৰাস্ত কৰি শৃংখলাত সমতা স্থাপন
ভাৰত বনাম অষ্ট্ৰেলিয়াৰ মাজত অনুষ্ঠিত হোৱা দ্বিতীয়খন টেষ্ট আজি চতুৰ্থ দিনাই সমাপ্ত হয়। দ্বিতীয় ইনিংছত অষ্ট্ৰেলিয়াই ভাৰতক জয়ৰ বাবে ৭০ ৰানৰ লক্ষ্য…