থান্টি পাহাৰত গোৱালপাৰা আৰক্ষী আৰু কামাণ্ডৰ তীব্ৰ অভিযান

গোৱালপাৰা জিলাৰ অসম মেঘালয় সীমান্তৰ থান্টি পাহাৰত আলফাৰ ৰ ১০/১২ জনীয়া দল এটাই  প্ৰবেশ কৰি পাহাৰত শিবিৰ পতাৰ বাতৰিয়েই সীমান্তৱৰ্তী অঞ্চলত এক হাহাকাৰৰ সৃষ্টি কৰিছে ৷

সীমান্তৱৰ্তী অঞ্চলত উগ্ৰপন্থী প্ৰবেশৰ বাতৰি লাভ কৰি   দুৰ্গম পাহাৰত গোৱালপাৰা  আৰক্ষী কামাণ্ড বাহিনীয়ে দিনে ৰাতিয়ে চলাইছে তীব্ৰ অভিযান ৷  আৰক্ষীৰ অভিযানৰ বাতৰি লাভ  কৰি উগ্ৰপন্থীৰ দলটোৱে পাহাৰত আত্মগোপন কৰে ৷ বৰ্তমান আৰক্ষীয়ে থান্থী পাহাৰৰ আত্মগোপন কৰি থকা উগ্ৰপন্থীৰ বিৰুদ্ধে  অভিযান অব্যাহত  ৰাখিছে৷

স্থানীয় এক সুত্ৰ অনুসৰি প্ৰায় তিনি চাৰি দিন পূৰ্বে এই দুৰ্গম পাহাৰ খনত ১০/১২ জনীয়া উগ্ৰপন্থীৰ দল টো আগমন ঘটিছিল৷ নিশাৰ ভাগত  উগ্ৰপন্থীৰ দলটো টৰ্চ লাইট লৈ বিচৰণ কৰা তথ্য লাভ কৰিছিল গাঁৱৰক্ষী বাহিনীয়ে৷
উল্লেখযোগ্য যে সীমান্তৱৰ্তী অতি দূৰ্গম এই পাহাৰখনত দীৰ্ঘ দিন ধৰি আলফা তথা জিএনএলএকে ধৰি বিভিন্ন উগ্ৰপন্থীৰ ঘাটীলৈ ৰূপান্তৰিত হৈছে৷ ইফালে গোৱালপাৰাৰ আৰক্ষীও বহি থকা নাই ৷
গোৱালপাৰা জিলাৰ উপ আৰক্ষী অধীক্ষক(পি) মৌচুমী দাস আৰু কৃষ্ণাই আৰক্ষী থানাৰ ভাৰপ্ৰাপ্ত বিষয়া টুবুল বড়োৰ নেতৃত্বত প্ৰতি দিনে সীমান্তৱৰ্ত্তী অঞ্চলত তীব্ৰ অভিযান অব্যাহত ৰাখিছে৷