ৰাজহুৱা পুখুৰীত অনুশীলন কৰিয়েই ৰাষ্ট্ৰীয় পৰ্যায়ত স্বৰ্ণ বুটলিলে গোলাঘাটৰ সাঁতোৰবিদে

Gold medal in swimming ৰাজহুৱা পুখুৰীত সাতোঁৰৰ অনুশীলন কৰি ৰাষ্ট্ৰীয় পৰ্যায়ত স্বৰ্ণপদক অৰ্জন কৰিলে গোলাঘাটৰ সাঁতোৰবিদে জনঞ্জয় শইকীয়াই। 

ক’ভিড পৰিস্থিতিত পুল বন্ধ হোৱা স্বত্তেও কিন্তু এই সাঁতোৰবিদজনে বন্ধ কৰা নাছিল অনুশীলন।

তেনে পৰিস্থিতিত গোলাঘাটৰ জ্যোতিনগৰত এক ৰাজহুৱা পুখুৰী খন্দাই নিজ সন্তানক সাঁতোৰৰ প্ৰশিক্ষণ দিছিল পিতৃয়ে আৰু এই পুখুৰীত অনুশীলন কৰিয়েই বাংগালোৰত Sports Federation of India ই অনুষ্ঠিত কৰা 37th Sub Junior and 47th Junior National Aquatic championship ত অংশগ্ৰহণ কৰে সাঁতোৰবিদ জনঞ্জয় শ‌ইকীয়াই।

জনঞ্জয় শ‌ইকীয়াই ৫০ মিটাৰ বাটাৰফ্লাই শাখাত স্বৰ্ণপদক আজুৰি আনিবলৈ সক্ষম হয়। তাৰোপৰি,মাত্ৰ ৫১ ছেকেণ্ডৰ ব্যৱধানৰ বাবে ৰাষ্ট্ৰীয় অভিলেখৰ পৰা পিছ পৰি ৰয় সাঁতোৰবিদ জনঞ্জয় শ‌ইকীয়া।

প্ৰশিক্ষক জ্যোতি বসুমতাৰীৰ তত্বাৱধানত জনঞ্জয় শ‌ইকীয়াই লাভ কৰিছিল প্ৰশিক্ষণ।

বিজয়ী জনঞ্জয়ৰ সতীৰ্থ, অভিভাৱক তথা প্ৰশিক্ষকৰ দাবী যে চৰকাৰে অতিশীঘ্ৰে খুলি দিয়াৰ ব্যৱস্থা কৰক ৰাজ্যৰ চুইমিং পুল সমূহ।