মধ্যবিত্তক মাধমাৰ! হোৰাহোৰে বৃদ্ধি সোণৰ মূল্য, ভংগ কৰিলে সৰ্বকালৰ অভিলেখ

শুকুৰবাৰে সোণৰ মূল্য ৪৮০ টকা বৃদ্ধি পাইছে। এই বৃদ্ধিৰ লগে লগে সোণৰ মূল্যই পূৰ্বৰ অভিলেখ ভংগ কৰিছে। ৪৮০ টকা বৃদ্ধি পোৱাৰ পাছতে দেশৰ ৰাষ্ট্ৰীয় ৰাজধানী দিল্লীত প্ৰতি ১০ গ্ৰামত সোণৰ মূল্য ৬১,৭৮০ টকালৈ বৃদ্ধি পাইছে। এই তথ্য সদৰী কৰিছে এইচ ডি এফ চি ছিকিউৰিটিজে।

যোৱা ব্যৱসায়িক ছিজনত সোণৰ মূল্য প্ৰতি ১০ গ্ৰামৰ আছিল ৬১,৩০০ টকা।

ইফালে সোণৰ লগতে তাল মিলাই ৰূপৰ মূল্যও বৃদ্ধি পাইছে। শুকুৰবাৰৰ দিনটোত ৪১০ টকা বৃদ্ধি পাই ৰূপৰ প্ৰতি কিলোত ৭৭,৫৮০ টকা হৈছে।

এইচ ডি এফ চি ছিকিউৰিটিজৰ জ্যেষ্ঠ বিশ্লেষক সৌমিল গান্ধীয়ে কয় যে দিল্লীৰ বজাৰত স্পট সোণৰ মূল্য ৪৮০ টকা বৃদ্ধি পাই প্ৰতি ১০ গ্ৰামত ৬১,৭৮০ টকা হৈছে।

আন্তঃৰাষ্ট্ৰীয় বজাৰত সোণৰ মূল্য তীব্ৰভাৱে বৃদ্ধি পাই প্ৰতি আউন্সত ২০৪১ মাৰ্কিন ডলাৰ হোৱাৰ বিপৰীতে ৰূপৰ মূল্যও প্ৰতি আউন্সত ২৫.৮৮ মাৰ্কিন ডলাৰলৈ বৃদ্ধি পাইছে।

গান্ধীয়ে লগতে কয় যে ডলাৰ সূচকাংক আৰু বণ্ডৰ উৎপাদন হ্ৰাস পোৱাৰ ফলত স্পট মূল্যৰ  অধিক শক্তিশালী হোৱাৰ বাবে কমেক্স (পণ্য বজাৰ)ত স্পট সোণৰ মূল্য ১৩ মাহৰ ভিতৰত উচ্চতম স্তৰলৈ বৃদ্ধি পাইছে।