হাইস্কুলৰ শিক্ষকসকলৰ বাবে সুখবৰ!হাইস্কুলৰ প্ৰধান শিক্ষক নিযুক্তি সন্দৰ্ভত গুৰুত্বপূৰ্ণ ৰায়

হাইস্কুলৰ শিক্ষকসকলৰ বাবে এক সুখবৰ! গুৱাহাটী উচ্চ ন্যায়ালয়ে হাইস্কুলৰ প্ৰধান শিক্ষকৰ যোগ্যতাৰ  সন্দৰ্ভত প্ৰদান কৰিছে গুৰুত্বপূৰ্ণ ৰায়। বিজ্ঞানৰ স্নাতক শিক্ষকও এতিয়াৰে পৰা হাইস্কুলৰ প্ৰধান শিক্ষক পদৰ বাবে যোগ্যতা লাভ কৰিব। গুৱাহাটী উচ্চ ন্যায়ালয়ৰ এই ৰায়্দানে স্নাতক বিজ্ঞান শিক্ষকলৈ আশাৰ ৰেঙণি যোগাইছে।

উল্লেখ্য যে পূৰ্বে উচ্চ প্ৰাথমিক বিদ্যালয়ত শিক্ষাদান কৰা বিজ্ঞানৰ এই স্নাতক শিক্ষকসলক বিদ্যালয় একত্ৰীকৰণৰ পাছত হাইস্কুলত নিযুক্তি দিয়া হৈছিল। কিন্তু তেওঁলোকক জ্যেষ্ঠ্যতাৰ ভিত্তিত প্ৰধান শিক্ষক পদৰ যোগ্যতাৰ বাবে স্বীকৃতি প্ৰদান কৰা হোৱা নাছিল।

তেওঁলোকক পূৰ্বৰ অভিজ্ঞতাক স্বীকৃতি নিদিয়াৰ বাবে ন্যায়ালয়ৰ দ্বাৰস্থ হৈছিল একাংশ শিক্ষক। এতিয়াআদালতৰ নিৰ্দেশৰ পাছত প্ৰধান শিক্ষক পদৰ সেৱা বিধি সলনি কৰিবলৈ বাধ্য হয় ৰাজ্য চৰকাৰ।

একেটা ৰায়দানযোগে প্ৰধান শিক্ষক নিযুক্তি প্ৰক্ৰিয়াত পূৰ্বে দিয়া স্থগিতাদেশ প্ৰত্যাহাৰ কৰে ন্যায়ালয়ে। উল্লেখযোগ্য যে প্ৰধান শিক্ষক পদৰ নিযুক্তি প্ৰক্ৰিয়া ২০২৩ বৰ্ষৰ পৰা স্থগিত হৈ আছিল । আদালতৰ এই ৰায়দানৰ পাছত সুগম হৈ পৰিল হাইস্কুলত প্ৰধান শিক্ষক পদৰ নিযুক্তি প্ৰক্ৰিয়া।