ইতিবাচক খবৰ: গাখীৰ বিক্ৰী কৰি ৩০ কোটিটকীয়া হেলিকপ্তাৰ কিনিলে এইগৰাকী লোকে!

যিটো সময়ত দেশৰ প্ৰায় সংখ্যক কৃষকেই দুৰ্দশাৰ মাজেৰে দিন নিয়াবলগীয়া হৈছে সেই সময়তে দেশৰ এগৰাকী লোকে গাখীৰৰ বিক্ৰী কৰিয়েই হেলিকপ্তাৰ ক্ৰয় কৰাৰ ঘটনাই বহুতকে আচৰিত কৰি তুলিছে।

মহাৰাষ্ট্ৰৰ ভিৱাণ্ডিৰ বাসিন্দা জনাৰ্দন ভাই। জনাৰ্দন ভায়ে শেহতীয়াকৈ গাখীৰ বিক্ৰী কৰি পোৱা ধনেৰেই ৩০ কোটি টকা মূল্যৰ হেলিকপ্তাৰ ক্ৰয় কৰিছে।

লোক জনৰ গাখীৰৰ ব্যৱসায় মহাৰাষ্ট্ৰৰ লগতে আন কেইবাখনো ৰাজ্যত বিয়পি আছে।

প্ৰথমে অতি সৰুকৈ আৰম্ভ কৰা গাখীৰৰ ব্যৱসায়ে এতিয়া বেছ উন্নতি কৰিছে। গাখীৰৰ ব্যৱসায় সম্পৰ্কীয় কামতে তেওঁ প্ৰায়ে আন বহু ৰাজ্যলৈ যাবলগীয়া হয়।

সেইবাবেই তেওঁ হেলিকপ্তাৰ এখনকে কিনি লোৱাৰ কথা ভাবিলে। ভবা মতে কাম। শেহতীয়াকৈ পৰীক্ষামূলক উৰণৰ বাবে ভিৱাণ্ডিলৈ কালি অনা হৈছিল হেলিকপ্তাৰ খন।

কালি জনাৰ্দন ভাইয়ে পঞ্চায়তৰ সদস্যসকৰ সৈতে হেলিকপ্তাৰ খনত উঠি এপাক মাৰি আহে। ইতিমধ্যে লোক জনে হেলিকপ্তাৰখন অৱতৰণ কৰিবলৈ নিজৰ মাটিত এখন হেলিপেডো সাজি লৈছে।

অহা মাহত আনুষ্ঠানিক ভাবে জনাৰ্দন ভাইক কোম্পানীয়ে হেলিকপ্তাৰ খন অৰ্পণ কৰিব।

জনাৰ্দন ভাইয়ে হেলিকপ্তাৰ ক্ৰয় সন্ধৰ্ভত সাংবাদিকক কয় যে হেলিকপ্তাৰ এখন কিনাৰ চখ তেওঁৰ বহু দিনৰে পৰা আছিল।

এনেয়ো যিহেতু লাগিয়েই থাকে সেয়ে অৱশেষত হেলিকপ্তাৰ খন কিনি পেলোৱাৰে সিদ্ধান্ত ল’লে।