কোকৰাঝাৰত চোৰাং গৰু মাফিয়া আৰু আৰক্ষীৰ মাজত প্ৰচণ্ড গুলীয়াগুলি

কোকৰাঝাৰ জিলাৰ শ্ৰীৰামপুৰ গেটত চোৰাং গৰু মাফিয়া আৰু আৰক্ষীৰ মাজত সংঘটিত হৈছে গুলিয়াগুলি ।

গোপন তথ্য লাভ কৰি কোকৰাঝাৰ আৰক্ষীয়ে অসম-বংগ সীমান্তৰ শ্ৰীৰামপুৰ গেটত অভিযান চলাই থকাৰ মাজতে গৰু মাফিয়া চাহাজালাল শেখে (৫০) প্ৰথমে আৰক্ষীক লক্ষ্য কৰি পিষ্টলেৰে গুলিবৰ্ষণ কৰিছিল।

প্ৰত্যুত্তৰত আৰক্ষীয়েও গুলিবৰ্ষণ কৰে। ফলত গুলিত ভৰিত আঘাতপ্ৰাপ্ত গৰু দালাল শেখৰ।লোকজনক প্ৰথমে কোকৰাঝাৰ আৰ এন বি চিকিৎসালয়লৈ আনে আৰক্ষীয়ে।

কোকৰাঝাৰৰ আৰক্ষী অধীক্ষক প্ৰতীক বিজয় কুমাৰ আৰু অতিৰিক্ত আৰক্ষী অধীক্ষক সুৰজিৎ সিং পানেশ্বৰৰ নেতৃত্বত অভিযান চলোৱা হৈছিল।
কেৱল গৰু মাফিয়া চক্ৰৰ বিৰুদ্ধে নহয়,ড্ৰাগছ আৰু যিকোনো সমাজ বিৰোধী কাৰ্যকলাপৰ বিৰুদ্ধে অধিক কঠোৰ পদক্ষেপ গ্ৰহণ কৰিব বুলি জনায় আৰক্ষী অধীক্ষক প্ৰতীক বিজয় কুমাৰে ।