কোৱাৰেন্টাইনত থকাৰ বাবে পিতৃৰ অন্তিম সৎকাৰৰ পৰা বঞ্চিত সোণাপুৰৰ এজন স্বাস্থ্য কৰ্মী

পিতৃৰ আকস্মিক বিয়োগত কাষৰ পৰা মৃতদেহ চাব নোৱাৰিলে এজন স্বাস্থ্য কৰ্মীয়ে। সোণাপুৰৰ নৰতাপ আমগুৰিৰ এগৰাকী স্বাস্থ্য কৰ্মীয়ে তেওঁৰ মৰ্মবেদনা প্ৰকাশ কৰিছে ।

আনকি, নিজৰ পিতৃৰ বিয়োগৰ পাছতো ঘৰত থাকিব নোৱাৰিলে এইগৰাকী স্বাস্থ্য কৰ্মী।

এফালে পিতৃৰ বিয়োগৰ বেদনা আৰু আনফালে কোৱাৰেন্টাইন কক্ষত আবদ্ধ এজন চিকিৎসা কৰ্মী।

চিকিৎসাকৰ্মী কৰ্মীজনৰ নাম মুকেশ ইংতি। তেওঁ বৰ্তমান গুৱাহাটীৰ পল্টনবজাৰৰ হোটেল কণ্টোৰত কোৱাৰেন্টাইন হৈ আছে।

কোৱাৰেন্টাইনত থকা অৱস্থাত যোৱা ১৪ এপ্ৰিলৰ পুৱা যুৱকজনৰ পিতৃ পদুম ইংতিৰ আকস্মিক মৃত্যু হয় ।

নিজ পিতৃৰ মৃত্যুৰ খবৰ পোৱাৰ পিছতে কোৱাৰেণ্টাইনত থকা মুকেশে বিভাগীয় কৰ্তৃপক্ষক অৱগত কৰে ।

মুকেশে অৱগত কৰাৰ পিছত বিভাগীয় কৰ্তৃপক্ষই কঠোৰ নীতি-নিৰ্দেশনাৰ মাজেৰে পদুমক আহিবলৈ অনুমতি প্ৰদান কৰে।

বিভাগীয় কৰ্তৃপক্ষই ১৪ এপ্ৰিলৰ পুৱা ৭-৩০ বজাত মুকেশক হোটেলৰ পৰা এখন বিশেষ বাহনেৰে প্ৰথমাৱস্থাত সোণাপুৰ জিলা চিকিৎসালয়লৈ লৈ আনে তাৰ পিছত সোণাপুৰ জিলা চিকিৎসালয়ত প্ৰাথমিক চিকিৎসা সম্পন্ন কৰি নিজ গৃহলৈ যাবলৈ দিয়ে ।

অৱশ্যে কোৱাৰেণ্টাইনত থকা কৰ্মীজনক স্বাস্থ্য বিভাগে সোণাপুৰ জিলা চিকিৎসালয়ৰ পৰা পি পি ই কিট পৰিধান কৰিহে যাবলৈ অনুমতি দিলে ।

দিনৰ ১০ বজাত স্বাস্থ্য কৰ্মীজনে দূৰৈৰ পৰাই অন্তিম শয়নত থকা পিতৃক চাবলৈ সক্ষম হয় ।

দূৰৈৰ পৰা পিতৃক অন্তিম শয়নত দৰ্শন কৰাৰ পিছতে পুনৰ কোৱাৰেণ্টাইনত থকা পল্টন বজাৰ স্থিত হোটেল কণ্টোৰলৈ তেওঁ উভতি যাবলগীয়া হয় ।

নিজৰ পিতৃৰ অন্তিম সংস্কাৰতো অংশগ্ৰহণৰ পৰা বঞ্চিত যুৱকজন এতিয়া খুবেই মৰ্মাহত।

এনে এক হৃদয় বিদাৰক ঘটনাই সমগ্ৰ ডিমৰীয়াতে শোকৰ ছাঁ পেলাইছে।

উল্লেখযোগ্য যে, যোৱা ৮ এপ্ৰিলৰ পৰা কোৱাৰেণ্টাইনতত আছে যুৱকজন।

নৰ্থ ইষ্ট নাওলৈ প্ৰেৰণ কৰা এক ভিডিওৰ জৰিয়তে সেই দুখলগা ঘটনা বিৱৰী কৈছে যুৱক জনে।