গ্ৰন্থ আৰু ৰক্ত স্বেচ্ছাই দান কৰা উচিত : হিমন্ত বিশ্ব শৰ্মা
ৰাজ্যখনৰ স্বাস্থ্য মন্ত্ৰী হিমন্ত বিশ্ব শৰ্মাই শনিবাৰে পুৱাই গুৱাহাটী চিকিৎসা মহাবিদ্যালয় হাস্পাতলত গৈ ৰক্তদান কৰে।
মন্ত্ৰীগৰাকীয়ে ৰাজ্য চৰকাৰে পালন কৰা ‘সেৱা সপ্তাহ’ৰ অংশ হিচাপে এই ৰক্তদান কৰে।
ৰক্তদান কৰাৰ পাছত মন্ত্ৰীগৰাকীয়ে তেওঁৰ টুইটাৰত কয়, ‘’গ্ৰন্থ আৰু ৰক্ত স্বেচ্ছাই দান কৰা উচিত। এটাই জ্ঞান শক্তিশালী কৰে, আনটোৱে জীৱন!’’
‘’প্ৰধান মন্ত্ৰী নৰেন্দ্ৰ মোদীৰ জন্মদিন উদযাপনৰ অংশ হিচাপে সেৱা সপ্তাহ পালন কৰা হৈছে, মই ১৪ ছেপ্টেম্বৰৰ পুৱা গুৱাহাটী চিকিৎসা মহাবিদ্যালয় হাস্পাতলত ৰক্তদান কৰি ধন্য হৈছো,’’-তেওঁ লগতে টুইটত লিখিছে।
Books & blood should be donated generously. One powers knowledge, other life!
To observe seva saptah as part of PM Sri @narendramodi‘s birthday celebrations, I am humbled to donate blood at Guwahati Medical College & Hospital this morning, Sept 14.#DonateLife pic.twitter.com/Z3Hg4WxRyZ
— Himanta Biswa Sarma (@himantabiswa) September 14, 2019
ভাৰতীয় জনতা পাৰ্টি (বিজেপি)য়ে বৃহস্পতিবাৰে কৈছিল যে ১৭ ছেপ্টেম্বৰত প্ৰধান মন্ত্ৰী নৰেন্দ্ৰ মোদীৰ জন্মিদন উপলক্ষে দলে শনিবাৰৰ পৰা আৰম্ভ কৰি শুকুৰবাৰলৈ (২০ ছেপটেম্বৰ) ‘সেৱা সপ্তাহ’ পালন কৰিব।
এই সপ্তাহটোত বিজেপিৰ সদস্যসকলে ৰাষ্ট্ৰজুৰি বহু সামাজিক কাৰ্যসূচী গ্ৰহণৰ পৰিকল্পনা কৰিছে।
‘’দেশৰ দৰিদ্ৰ জনসাধাৰণে সন্মুখীন হোৱা সমস্যা কোনোবাই যদি সমাধান কৰিব পাৰে, তেনেহ’লে সেইজন হৈছে নৰেন্দ্ৰ মোদী,’’-বিজেপিৰ ৰাষ্ট্ৰীয় সাধাৰণ সম্পাদক অৰুণ সিঙে শুকুৰবাৰে এইদৰে কয়।
‘’সেয়েহে, ১৭ ছেপ্টেম্বৰৰ নৰেন্দ্ৰ মোদীৰ জন্মদিন উপলক্ষে বিজেপিয়ে ১৪’ৰ পৰা ২০’ ছেপ্টেম্বৰলৈকে ‘সেৱা সপ্তাহ’ পালনৰ সিদ্ধান্ত গ্ৰহণ কৰিছে,’’-সিঙে লগতে কয়।