বিশিষ্ট ব্যৱসায়ী, সমাজ কৰ্মী কমল চন্দ্ৰ দাসৰ মৃত্যু

বিশিষ্ট ব্যৱসায়ী কমল চন্দ্ৰ দাসে সোমবাৰে গুৱাহাটীত ৬৮ বছৰ বয়সত শেষ নিশ্বাস ত্যাগ কৰে। মৃত্যুৰ সময়ত তেওঁ পত্নী, এগৰাকী কন্যা আৰু দুজন পুত্ৰক এৰি থৈ যায়।

১৯৫৫ চনৰ ১ মাৰ্চত বৰপেটাত জন্মগ্ৰহণ কৰা দাসে ৰাজ্যৰ পাব্লিক ৱৰ্কছ্ ডিপাৰ্টমেন্টৰ প্ৰথম শ্ৰেণীৰ ঠিকাদাৰ হিচাপে নিজৰ পেছাদাৰী যাত্ৰাত নামি পৰে।

ডন বস্কো ছ’চাইটিৰ সৈতে ঘনিষ্ঠভাৱে জড়িত হৈ পৰিছিল কমল চন্দ্ৰ দাস। তেখেত ইণ্টাৰনেশ্যনেল হস্পিতালছ লিমিটেডৰ প্ৰতিষ্ঠাপক প্ৰমোটাৰো আছিল, যি পিছলৈ এপ’ল’ হাস্পতাল গুৱাহাটীলৈ পৰিণত হয়।

বিগত ২০ বছৰতকৈও অধিক সময় ধৰি গণেশগুৰি বিহু সমিতি আৰু গণেশগুৰিস্থিত গণেশ মন্দিৰকে ধৰি বিভিন্ন সামাজিক সংগঠনৰ সৈতে তেওঁ সক্ৰিয়ভাৱে জড়িত হৈ আছিল।

দাসৰ পত্নী উষা ওঝা গণেশগুৰিৰ উপাসনা পেলেচ হোটেল আৰু বৰপেটাৰ হোটেল উষা ৰিজেন্সীৰ স্বত্বাধিকাৰী৷ গণেশগুৰিত হোটেল উদ্যোগ গঢ় দিয়াত এই দম্দম্পতীহালে যথেষ্ট উদ্যোগ গ্ৰহণ কৰিছিল।

আজি বিয়লি ৩:৩০ বজাত নৱগ্ৰহ শ্মশানত তেওঁৰ অন্ত্যেষ্টিক্ৰিয়া সম্পন্ন কৰা হ’ব। তেওঁৰ মৃত্যুত মহানগৰীৰ ব্যৱসায়ী সমাজে শোক প্ৰকাশ কৰি সমাজৰ বাবে তেওঁৰ মৃত্যু যথেষ্ট ক্ষতি হিচাপে অভিহিত কৰে।

তেওঁৰ উদ্যোগী মানসিকতা, সামাজিক দায়বদ্ধতাই আগন্তুক প্ৰজন্মক অনুপ্ৰাণিত কৰি থাকিব বুলিও মন্তব্য কৰিছে বিভিন্নজনে।