ভাৰতত মাত্ৰ ৫, পাকিস্তানত ৫০ :: ১ পেকেট পাৰ্লে জি বিস্কুটৰ দাম আমেৰিকাত কিমান?
গৰম গৰম চাহ বা কফিকাপৰ লগত পূৱা বা গধূলি পাৰ্লে জি বিস্কুটৰ সোৱাদ লৈ নোপোৱা ব্যক্তি কিজানি ভাৰতত খুব কমেই ওলাব। ভাৰতত বিক্ৰী হোৱা এটা জনপ্ৰিয় বিস্কুটৰ নাম হৈছে পাৰ্লে জি।
আজিৰ তাৰিখত পাৰ্লে-জি কেৱল ব্ৰেণ্ড নাম নহয়, বা ই কেৱল বিস্কুট নহয়। পাৰ্লে জি হৈছে এটা আৱেগৰ নাম।
এই বিস্কুট ধনীৰ পৰা দুখীয়ালৈকে সকলো শ্ৰেণীৰ লোকৰ মাজত অতি জনপ্ৰিয়। পাৰ্লে জিৰ অবিহনে আমি আমাৰ স্কুলীয়া জীৱনৰ অতীত ৰোমন্থন কৰিব নোৱাৰো। টিফিন বক্সত পাৰ্লে জি বিস্কুট লৈ যোৱাৰ কথা হয়তো সকলোৰে মনত আছে।
পাৰ্লে জি বিস্কুটৰ যাত্ৰা আৰম্ভ হৈছিল মুম্বাইৰ ভিলে পাৰ্লে অঞ্চলৰ এটা পুৰণি কাৰখানাত। মোহনলাল দয়াল নামৰ ব্যক্তিগৰাকীয়ে ১৯২৯ চনত এই কাৰখানাটো ক্ৰয় কৰিছিল। তাৰ পিছত মোহনলাল দয়ালে এই কাৰখানাত মিঠাই বনাবলৈ আৰম্ভ কৰিলে। তাৰ পিছত ১৯৩৮ চনত প্ৰথমবাৰৰ বাবে এই কাৰখানাত পাৰ্লে গ্লুকো নামৰ বিস্কুটৰ উৎপাদন আৰম্ভ হয়। ১৯৮০ চনৰ পিছত পাৰ্লে গ্লুকোক চুটি কৰি পাৰ্লে জি বুলি কোৱা হয়। পাৰ্লে জিত থকা “জি” ৰ অৰ্থ হ’ল গ্লুক’জ।
এই বিস্কুট যিমান সস্তীয়া সিমানেই সুস্বাদু। আপুনি হয়তো নাজানে যে পাৰ্লে জি কেৱল ভাৰততে নহয় বিদেশতো অতি জনপ্ৰিয়। আমেৰিকা যুক্তৰাষ্ট্ৰৰ দৰে দেশতো পাৰ্লে জি বিক্ৰী হয়। আমাৰ চুবুৰীয়া দেশ পাকিস্তানতো পাৰ্লে জিৰ চাহিদা আছে। কিন্তু এই দেশবোৰত পাৰ্লে জিৰ দাম কিমান জানেনে?
বৰ্তমান ভাৰতত ৬৫গ্ৰাম পাৰ্লে জি বিস্কুটৰ এটা পেকেটৰ দাম মাত্ৰ ৫ টকা।
আমেৰিকাত ৫৬.৫ গ্ৰাম ওজনৰ ৮ পাৰ্লে জি বিস্কুটৰ পেকেট ১ ডলাৰত বিক্ৰী হয়। অৰ্থাৎ আজিৰ তাৰিখত ভাৰতীয় মূল্যৰ হিচাপত ৮০.৫০ টকাৰ বিনিময়ত আমেৰিকাত ৮ পেকেট সৰু পাৰ্লি জি বিস্কুটৰ পেকেট কিনিবলৈ পোৱা যায়।
পাৰ্লে জি বিস্কুটৰ এটা পেকেটৰ দাম পাকিস্তানত ৫০ টকা।