ত্ৰিপুৰাত মানৱ সৰবৰাহকাৰী চক্ৰৰ কৱলৰ পৰা দুগৰাকী মহিলা উদ্ধাৰ

ত্ৰিপুৰা আৰক্ষীয়ে ত্ৰিপুৰাৰ পৰা বহিঃৰাজ্যলৈ সৰবৰাহ কৰিব ধৰা অৱস্থাত এগৰাকী মহিলা আৰু এগৰাকী কিশোৰীক উদ্ধাৰ কৰিবলৈ সক্ষম হয়।

নৰ্থ-ইষ্ট নাওৰ সৈতে হোৱা টেলিফোনিক বাৰ্তালাপত ত্ৰিপুৰা আৰক্ষীৰ অভিযানকাৰী দলটোক নেতৃত্ব প্ৰদান কৰা এগৰাকী আৰক্ষী বিষয়াই কিশোৰী আৰু মহিলা গৰাকীক ৰাজ্যখনৰ ঢালাই জিলাৰ পৰা উদ্ধাৰ কৰা হয় বুলি কয়।

উদ্ধাৰ হোৱা কিশোৰী আৰু মহিলা গৰাকীক বাংগালোৰলৈ সৰবৰাহ কৰিব ধৰা অৱস্থাতে আৰক্ষীৰ উদ্ধাৰকাৰী দলটোৱে উদ্ধাৰ কৰিবলৈ সক্ষম হয় বুলি আৰক্ষী বিষয়া গৰাকীয়ে জানিব দিয়ে।

সৰবৰাহকাৰীয়ে দুয়োকো সংস্থাপন দিয়াৰ প্ৰলোভনেৰে বাংগালোৰলৈ লৈ যোৱাৰ বাবে চেষ্টা চলাইছিল।

আনহাতে, আৰক্ষীয়ে উক্ত ঘটনাৰ তদন্ত চলাই সমগ্ৰ ঘটনাৰ সৈতে উদ্ধাৰ হোৱা কিশোৰী গৰাকীৰ সম্পৰ্কীয় এগৰাকী লোক জড়িত হৈ থকাৰ সন্দেহ প্ৰকাশ কৰে।

অধিক তথ্যৰ বাবে ত্ৰিপুৰা আৰক্ষীয়ে তদন্ত অব্যাহত ৰাখিছে।