নতুন বছৰৰ আৰম্ভণিতে বিশ্বব্যাপী মন্দাৱস্থাৰ পূৰ্বাভাস কৰিলে আইএমএফে

আজি ২০২৩ চনৰ নতুন বছৰৰ মাত্ৰ দ্বিতীয়টো দিন।তাৰ মাজতে আন্তৰ্জাতিক মুদ্ৰা নিধিয়ে (আইএমএফ) এই বছৰৰ বিশ্ব অৰ্থনীতিৰ বিষয়ে সতৰ্ক কৰি দিছে। সংস্থাটোৰ পৰিচালন সঞ্চালক ক্ৰিষ্টালিনা জৰ্জিভাই সতৰ্ক কৰি দি কয়, “২০২৩ বৰ্ষটো বিশ্ব অৰ্থনীতিৰ বাবে এক কঠিন বছৰ হ’ব আৰু বিশ্ব অৰ্থনীতিৰ এক-তৃতীয়াংশ মন্দাৱস্থাৰ গ্ৰাসত পৰিব।”

সোমবাৰে ৰয়টাৰ আৰু বিবিচিকে ধৰি বিভিন্ন আন্তৰ্জাতিক সংবাদ মাধ্যমৰ প্ৰতিবেদনত এই তথ্য প্ৰকাশ পাইছে। আইএমএফৰ পৰিচালন সঞ্চালক ক্ৰিষ্টালিনা জৰ্জিভাই ‘ফেচ দ্য নেশ্যন’ শীৰ্ষক এটা অনুষ্ঠানত এইকথা সদৰী কৰিছিল। অনুষ্ঠানটোত আন্তৰ্জাতিক মুদ্ৰা নিধিৰ (আইএমএফ) বিষয়াগৰাকীয়ে সতৰ্ক কৰি দিছিল যে এই বছৰ বিশ্ব অৰ্থনীতিৰ এক-তৃতীয়াংশ মন্দাৱস্থাত থাকিব।

লগতে পঢ়ক: মেক্সিকোৰ কাৰাগাৰত সশস্ত্ৰ দুৰ্বৃত্তৰ ভয়ংকৰ আক্ৰমণত নিহত কমেও ১৪ জন

তেওঁ দাবী কৰে যে ২০২৩ বৰ্ষটো বিশ্বৰ বেছিভাগ অৰ্থনীতিৰ বাবে এক কঠিন বছৰ হ’ব কিয়নো আমেৰিকা যুক্তৰাষ্ট্ৰ, ইউৰোপ আৰু চীনৰ দৰে বিশ্বব্যাপী মুখ্য সমৃদ্ধিৰ দেশসমূহে দুৰ্বল অৰ্থনৈতিক কাৰ্যকলাপৰ সন্মুখীন হৈছে।

ক্ৰিষ্টালিনা জৰ্জিভাই সতৰ্ক কৰি দিছে যে বিশ্বৰ দ্বিতীয় সৰ্ববৃহৎ অৰ্থনীতি চীনে ২০২৩ চনৰ আৰম্ভণিতে এক কঠিন পৰিস্থিতিৰ সন্মুখীন হ’ব।

2023 will be a difficult year for the world. The silver lining is we can use it to transform economies & accelerate change that’s good for our climate, good for growth. At the IMF, we recognize our responsibility to be a force for good. Watch the event: https://t.co/Yv1TvfCytH pic.twitter.com/lsrXDDLNyy

— Kristalina Georgieva (@KGeorgieva) December 29, 2022

তেওঁ কয়, “অহা কেইমাহমান চীনৰ বাবে অতি কঠিন হ’ব আৰু চীনৰ বিকাশৰ ওপৰত নেতিবাচক প্ৰভাৱ পৰিব, এই অঞ্চলটোৰ ওপৰত নেতিবাচক প্ৰভাৱ পৰিব আৰু বিশ্বব্যাপী বিকাশৰ ওপৰত ইয়াৰ প্ৰভাৱো নেতিবাচক হ’ব।”