কৰ’নাৰ সৈতে ভাৰতৰ যুদ্ধ : আহিবলগীয়া ১৫ দিনত কি ঘটিব পাৰে! বিশেষজ্ঞই কি কৈছে

ভাৰত এই মুহুৰ্তত ষ্টেজ ২ কোভিদ ১৯-ত আক্ৰান্ত। যাৰ অৰ্থ হৈছে বিদেশৰ পৰা অহা লোকৰ পৰা এই ৰোগ সংক্ৰমিত হৈছে।

বিদেশৰ পৰা যিসকল লোক আহিছে তেওঁলোকৰ সৈতে সংস্পৰ্শত অহা লোক সকল কৰ’না ভাইৰাছত আক্ৰান্ত হৈছে।

আহিবলগীয়া ১৫ দিন ভাৰতবৰ্ষৰ বাবে গুৰুত্বপূৰ্ণ হিচাপে বিবেচিত হৈছে।

ষ্টেজ থ্ৰিৰ আশংকা:

চীন বা ইটালীত বৰ্তমান যেনেধৰণৰ পৰিস্থিতি চলি আছে সেয়া হৈছে কৰ’না ভাইৰাছৰ ষ্টেজ থ্ৰি অৱস্থা। অৰ্থাৎ সেইবোৰ দেশত বিশাল সংখ্যক জনসাধাৰণ কৰ’না ভাইৰাছৰ স্বীকাৰ হৈছে।

যদিহে বৰ্তমান সময়তে ভাৰতে ভাইৰাছ সংক্ৰমিত হোৱাৰ গতি স্তব্ধ কৰি দিব পাৰে তেনেহ’লে ইটালী বা চীন সদৃশ পৰিস্থিতি হোৱাৰ পৰা ভাৰতক ৰক্ষা কৰিব পৰা যাব।

আহিবলগীয়া ২ সপ্তাহ ভয়ংকৰ :

বিশেষজ্ঞসকলে দাবী কৰা অনুসৰি অহা ২ সপ্তাহ দেশৰ জনসাধাৰণৰ সন্মুখত ভয়ংকৰ পৰিস্থিতিৰ উদ্ভৱ হ’ব পাৰে অথবা তেনে পৰিস্থিতি নহবও পাৰে।

আহিবলগীয়া ১৫ দিনে ভাৰতত কৰ’না ভাইৰাছৰ গতিবিধি কেনেধৰণৰ হ’ব সেয়া নিৰ্ভৰ কৰিব।

পৰিস্থিতি নিয়ন্ত্ৰণত আনিবলৈ কি কৰিব লাগিব ?

বিশেষজ্ঞসকলে দাবী কৰা মতে বৰ্তমান যেনে পৰিস্থিতি চলি আছে তাক নিয়ন্ত্ৰণত অনাৰ বাবে আটাইতকৈ ভাল উপায় হ’ল ‘কোয়াৰেণ্টাইন’।

কোনোক্ষেত্ৰতে স্বাস্থ্যকৰ পন্থাৰ বাহিৰলৈ গৈ পদক্ষেপ লোৱা উচিত নহয় এই সময়ত।

এই সময়ৰ ভিতৰত যাতে কোনো কাৰণতে কমিউনিটি ট্ৰেন্সমিশ্যন নহয় তাৰ বাবে সকলোৱে চেষ্টা কৰিব লাগিব বুলিও বিশেষজ্ঞ সকলে কয়।

যুদ্ধকালীন পৰিস্থিতিত ভাৰত!

বিশেষজ্ঞসকলে কৈছে যে আহিবলগীয়া ১৫ দিনত অজ্ঞাত শত্ৰু কৰ’নাৰ হাতৰ পৰা ৰক্ষা পৰিবলৈ হ’লে জনসমাগমৰ পৰা প্ৰতিগৰাকী ব্যক্তি আতৰি থাকিব লাগিব।

ইয়াৰ বাবে ঘৰৰ ভিতৰত আবদ্ধ হৈ থকা যেনেদৰে এটা উপায় একেধৰণে হাত ধোৱাও এটা গুৰুত্বপূৰ্ণ উপায়।

তদুপৰি, ভাৰতৰ প্ৰশাসনেও কৰ’না ভাইৰাছৰ সৈতে যুদ্ধৰ বাবে বিভিন্ন পদক্ষেপ গ্ৰহণ কৰিছে।