সাফল্য! ১০০ কোটিৰ সংখ্যা স্পৰ্শ কৰিলে ক’ভিদ-১৯ টিকাকৰণে
ভাৰতে বৃহস্পতিবাৰে কৰ’ণা ভাইৰাছ মহামাৰীৰ বিৰুদ্ধে যুঁজত আন এক গুৰুত্বপূৰ্ণ মাইলৰ খুঁটি অতিক্ৰম কৰিছে।
প্ৰথম আৰু দ্বিতীয় দুয়োটা পালিসহ ভাৰতত ক’ভিদ টিকাকৰণে ১০০ কোটিৰ সংখ্যা স্পৰ্শ কৰিছে।
প্ৰধানমন্ত্ৰী নৰেন্দ্ৰ মোদীয়ে এই উপলক্ষে নতুন দিল্লীৰ ড০ ৰাম মনোহৰ লোহিয়া চিকিৎসালয় পৰিদৰ্শন কৰে।
প্ৰধানমন্ত্ৰীয়ে টুইট যোগে কয়, “আমি ১৩০ কোটি ভাৰতীয়ৰ ভাৰতীয় বিজ্ঞান, উদ্যোগ আৰু সামূহিক মনোভাৱৰ বিজয় প্ৰত্যক্ষ কৰিছো।”
India scripts history.
We are witnessing the triumph of Indian science, enterprise and collective spirit of 130 crore Indians.
Congrats India on crossing 100 crore vaccinations. Gratitude to our doctors, nurses and all those who worked to achieve this feat. #VaccineCentury
— Narendra Modi (@narendramodi) October 21, 2021
ভেকছিনৰ তথ্যই ভাৰতৰ টিকাকৰণ অভিযানৰ সফলতাৰ খতিয়ান দাঙি ধৰে। গ্ৰাম্য এলেকাত মুঠ ভেকছিনপালিৰ ৬৫ শতাংশৰো অধিক প্ৰয়োগ কৰা হৈছে।
সামগ্ৰিকভাৱে আনুমানিক প্ৰাপ্তবয়স্ক জনসংখ্যাৰ ৭৪ শতাংশই প্ৰথম পালি লাভ কৰিছে। আনহাতে ৩১ শতাংশক সম্পূৰ্ণৰূপে টিকাকৰণ কৰা হৈছে।
ইফালে ভাৰতে যোৱা ২৪ ঘণ্টাত ১৮,৪৫৪ টা নতুন সংক্ৰমণৰ কেচ চিনাক্ত কৰিছে। স্বাস্থ্য মন্ত্ৰালয়ৰ শেহতীয়া তথ্য অনুসৰি সক্ৰিয় ক’ভিদ আক্ৰান্ত ৰোগীৰ সংখ্যা হৈছে ১,৭৮,৮৩১।
আনহাতে আৰোগ্যৰ হাৰ বৰ্তমান ৯৮.১৫ শতাংশ। ১৬০ জন ক’ভিদ সংক্ৰমণত মৃত্যু হোৱা ৰোগীৰ সৈতে মৃত্যুৰ সংখ্যা এতিয়া ৪.৫২ লাখ অতিক্ৰম কৰিছে।