আজিৰ পৰা চেন্নাইত ভাৰত-ইংলেণ্ডৰ দ্বিতীয় টেষ্ট; অক্ষৰ পেটেলৰ টেষ্ট অভিষেক
আজিৰ পৰা চেন্নাইত ভাৰত আৰু ইংলেণ্ডৰ মাজত শৃংখলাৰ শৃংখলাৰ দ্বিতীয়খন টেষ্ট আৰম্ভ হৈছে।
ভাৰতে টছত জয়ী হৈ প্ৰথমে বেটিং কৰাৰ সিদ্ধান্ত গ্ৰহণ কৰিছে অধিনায়ক বিৰাট কোহলীয়ে।
ইপিনে, ভাৰতে আজি মূল একাদশত তিনিটা সালসলনি কৰিছে। বাওহতীয়া অলৰাউণ্ডাৰ অক্ষৰ পেটেলৰ আজি টেষ্ট ক্ৰিকেটত অভিষেক ঘটিছে।
চাহবাজ নাদিমৰ ঠাইত অক্ষৰ পেটেলে খেলাৰ বিপৰীতে ৱাছিংটন সুন্দৰৰ ঠাইত দলত স্থান পাইছে চাইনামেন স্পীনাৰ কুলদীপ যাদৱে।
আনহাতে, জাচপ্ৰীত বুমৰাহক জিৰণি দি অষ্ট্ৰেলিয়াৰ জয়ৰ নায়ক বেগী বলাৰ মহম্মদ চিৰাজক দলত স্থান দিয়া হৈছে।
জাচপ্ৰীত বুমৰাহৰ কামৰ চাপ হ্ৰাস কৰাৰ উদ্দেশ্যে আৰু আমহেদাবাদত অনুষ্ঠিত হ’বলগীয়া পিংক বল টেষ্টৰ বাবে বুমৰাহক সম্পুৰ্ণ সজীৱ কৰি ৰখাৰ উদ্দেশ্যে জিৰণি দিয়া হৈছে বুলি অধিনায়ক কোহলীয়ে কয়।
চেন্নাইত শৃংখলাৰ প্ৰথমখন টেষ্টত ভাৰতে ইংলেণ্ডৰ হাতত শোচনীয়ভাৱে পৰাজিত হৈছিল।
ইংলেণ্ডে ১-০ ব্যৱধানত শৃংখলাত অগ্ৰগতি লাভ কৰি আছে।