বীৰাংগনা কনকলতাৰ নামেৰে উপকূলৰক্ষী বাহিনীৰ জাহাজৰ নামকৰণ

অসমৰ বাবে আহিছে এটা ভাল খবৰ।

ভাৰতীয় উপকূলৰক্ষী বাহিনীৰ এখন জাহাজৰ নাম ৰখা হ’ল স্বাধীনতা সংগ্ৰামত জঁপিয়াই পৰি ব্ৰিটিছৰ গুলীত শ্বহীদ হোৱা বীৰাংগনা কনকলতা বৰুৱাৰ নামেৰে।

আজি কলকাতাত ভিডিঅ২ কনফাৰেন্সৰ জৰিয়তে উপকূলৰক্ষী বাহিনীত আনুষ্ঠানিক ভাবে অন্তৰ্ভুক্ত কৰা হয় কনকলতা বৰুৱা নামৰ জাহাজ খন।

জাহাজ খন সাজি উলিয়াইছে  কলকাতাৰ গাৰ্ডেন ৰীছ শ্বিপ বিল্ডাৰ্ছে।

আত্মনিৰ্ভৰ ভাৰতৰ অধীনত সাজি উলিওৱা জাহাজ খন উপকূলৰক্ষী বাহিনীয়ে পহৰা দিয়াৰ কামত ব্যৱহাৰ কৰিব।

এনেদৰে অসমৰ এগৰাকী বীৰাংগনাৰ নামেৰে এখন জাহাজৰ নাম ৰখাত এতিয়া সকলোৱে আনন্দিত হৈ পৰা পৰিলক্ষিত হৈছে।

তিনিটা ইঞ্জিন বিশিষ্ট জাহাজ খনৰ ওজন ৩১০ টন আৰু ইয়াৰ দৈৰ্ঘ্য ৪৯ মিটাৰ।

উল্লেখ্য কনকলতা বৰুৱাই গহপুৰৰ থানাত জাতীয় পতাকা উৰুৱাবলৈ গৈ ব্ৰিটিছ আৰক্ষীৰ গুলীত প্ৰাণাহুতি দিছিল।