এইবাৰ অৰ্জুন! ভাৰতৰ আন এক কিশোৰ দবা খেলুৱৈৰ হাতত পৰাজিত বিশ্ব চেম্পিয়ন কাৰ্লছেন
ৰমেশ বাবু প্ৰজ্ঞানন্দাৰ পিছত এইবাৰ অৰ্জুন এৰিগাইচি। আন এগৰাকী ভাৰতীয় কিশোৰৰ হাতত পৰাজিত হ’ল বিশ্ব দবা চেম্পিয়ন মেগনাছ কাৰ্লছেন। মেল্টৱাটাৰ চেম্পিয়নছ চেছ টুৰ্ণামেণ্টৰ পঞ্চম ৰাউণ্ডত ভাৰতীয় দবা খেলুৱৈগৰাকীৰ হাতত পৰাজিত হয় কাৰ্লছেন।
অৰ্জুনে শনিবাৰে জুলিয়াছ বেয়াৰ জেনাৰেশন কাপৰ ফাইনেলত বিশ্বৰ এক নম্বৰ দবা খেলুৱৈগৰাকীৰ হাতত পৰাজিত হৈছিল। এসপ্তাহৰ পিছতে অৰ্জুনে তাৰ প্ৰতিশোধ ল’লে। অৰ্জুনে আগৰ দিনৰ খেলত কাৰ্লছেনৰ বিৰুদ্ধে মূৰ তুলি থিয় হ’ব পৰা নাছিল যদিও তেওঁ শনিবাৰে ঠাণ্ডা মগজুৰে খেলিছিল। তেওঁ খেলখনত কাৰ্লছেনৰ ভুলৰ সুযোগ ল’লে আৰু দমনীয় প্ৰদৰ্শনেৰে কাৰ্লছেনক হৰুৱালে।
লগতে পঢ়ক: বিতৰ্ক: ভাৰতত নাই আইনৰ শাসন! আমেৰিকাৰ সংবাদ মাধ্যমৰ বিজ্ঞাপনত মোডী চৰকাৰক গৰিহণা
কাৰ্লছেনক পৰাস্ত কৰাৰ পিছত অৰ্জুনে কয়, “এই জয় মোৰ বাবে অতি গুৰুত্বপূৰ্ণ। কাৰ্লছেনক পৰাস্ত কৰি খুউব ভাল লাগিছে।”
ইপিনে, খেলখনত পৰাজিত হোৱাৰ পিছত কাৰ্লছেনে কয় যে এইটো তেওঁৰ জীৱনৰ আটাইতকৈ বেয়া খেলবোৰৰ এটা আছিল। “মই আগতে এই প্ৰতিযোগিতাখনত ইমান বেয়াকৈ খেলা নাই। মই মোৰ নিজৰ ছন্দত নাছিলো। মই বহুত ভুল কৰিছিলো।”
লগতে পঢ়ক: সোমবাৰে গ্ৰেপ্তাৰ হ’ব মনীষ চিছ’দিয়া! চিবিআইৰ চমনৰ পাছতে দাবী আপৰ
ইয়াৰ পূৰ্বে কাৰ্লছেনে একেৰাহে তিনিবাৰকৈ ১৭ বছৰীয়া ভাৰতীয় দবা খেলুৱৈ ৰমেশবাবু প্ৰজ্ঞানন্দাৰ হাতত পৰাজিত হৈছিল। দবাৰ বিশ্ব চেম্পিয়নগৰাকী আনকি দাবা অলিম্পিয়াডতো খুব ভাল ছন্দত নাছিল। এইবাৰ তেওঁ অৰ্জুনৰ হাততো পৰাজিত হ’ল।