মৰ্মান্তিক! কেলিফৰ্ণিয়াত ঘৰৰ পৰা উদ্ধাৰ ভাৰতীয় দম্পতী আৰু দুই নাবালক শিশুৰ মৃতদেহ

আমেৰিকা যুক্তৰাষ্ট্ৰৰ কেলিফৰ্ণিয়াত ভাৰতীয় দম্পতীৰ ৰহস্যজনক মৃত্যু ঘটিছে। ঘৰৰ পৰা উদ্ধাৰ হৈছে এটা পৰিয়ালৰ চাৰিটা মৃতদেহ।

মঙলবাৰে আৰক্ষীয়ে ছান মাটিও চহৰৰ এটা ফ্লেটৰ পৰা দম্পতী আৰু তেওঁলোকৰ দুই নাবালক পুত্ৰ সন্তানৰ মৃতদেহ উদ্ধাৰ কৰে। তেওঁলোক কেৰালাৰ বাসিন্দা বুলি জানিব পৰা গৈছে।

লগতে পঢ়কঃ JEE Mains 2024-ত উত্তৰ-পূবৰ ভিতৰত শীৰ্ষস্থান দখল জ্যোতিষ্মান শইকীয়াৰ

আৰক্ষীৰ সূত্ৰ অনুসৰি, দম্পতীহাল আই টি খণ্ডৰ  কৰ্মী আছিল। তেওঁলোক ৯ বছৰ ধৰি আমেৰিকাত বাস কৰি আছিল। সন্তান দুটি যমজ আছিল আৰু তেওঁলোকৰ বয়স ৪ বছৰ বুলি কোৱা হৈছে।

অৱশ্যে ২০১৬ চনত তেওঁলোকে বিবাহ বিচ্ছেদৰ বাবে আবেদন জনাইছিল। কিন্তু তাৰ পিছত মহিলাগৰাকীয়ে দুটা সন্তান জন্ম দিয়ে। 

আৰক্ষীয়ে জানিবলৈ দিয়া মতে বাথৰুমৰ পৰা উদ্ধাৰ কৰে দম্পতীহালৰ গুলীবিদ্ধ মৃতদেহ। আনহাতে, ঘৰৰ ভিতৰতে উদ্ধাৰ হৈছে দুই নাবালকৰ মৃতদেহ।

লগতে পঢ়কঃ ‘কৃষকসকল অন্নদাতা, অপৰাধী নহয়’, কৃষক আন্দোলনৰ পক্ষত মন্তব্য ‘ভাৰতৰত্ন’ স্বামীনাথনৰ কন্যাৰ

নাবালকসকলৰ শৰীৰত কোনো ধৰণৰ আঘাতৰ দাগ নাই। তদন্তকাৰীয়ে অনুমান কৰিছে যে শিশুদুটাক তেওঁলোকৰ খাদ্যত বিষ দি হত্যা কৰা হৈছে। ঘটনা সন্দৰ্ভত এতিয়াও তদন্ত অব্যাহত আছে।