দোহা অপেনত বিজয়েৰে টেনিছ কোৰ্টলৈ ছানিয়া মিৰ্জাৰ সফল প্ৰত্যাৱৰ্তন

এবছৰৰ বিৰতিৰ পাছত ছানিয়া মিৰ্জা পুনৰ টেনিছ কোৰ্টলে উভটি আহিছে আৰু আহিয়েই বিজয়ৰ মুখ দেখা পালে।

সোমবাৰে কাটাৰৰ দোহাত অনুষ্ঠিত কাটাৰ টটেল অপেন প্ৰতিযোগিতাৰ ডাবলছ কোৱাৰ্টাৰ-ফাইনেলত ছানিয়া মিৰ্জাই ভাৰতৰ হৈ প্ৰতিনিধিত্ব কৰে।

ডাবছ কোৱাৰ্টাৰ ফাইনেলখনত তেওঁৰ সহযোগী হয় স্লভেনিয়াৰ আন্দ্ৰেজা ক্লেপাক।

দুয়োৱে ইউক্ৰেইনৰ নাডিয়া কিচেনক আৰু ল্যুডমিলা কিচেনকক ৬-৪, ৬-৭(৫), ১০-৫ ব্যৱধানত পৰাস্ত কৰে।

উল্লেখযোগ্য যে ২০২০ চনৰ ফেব্ৰুৱাৰী মাহতে ছানিয়াই ডহা অপেনত শেষবাৰৰ  বাবে অংশগ্ৰহণ কৰিছিল।

তদুপৰি কভিড-১৯ত আক্ৰান্ত হৈ তেওঁ জানুৱাৰীত আৰোগ্য লাভ কৰি প্ৰথমখন খেলত অংশগ্ৰহণ কৰিছে।