লোকসভাত উত্থাপন শ্ৰমিক বিৰোধী বিল : শিল্প প্ৰতিষ্ঠানে নিজ ইচ্ছামতে কামৰ পৰা খেদিব পাৰিব শ্ৰমিক-কৰ্মচাৰীক!

শ্ৰমিক-কৰ্মচাৰীলৈ কেন্দ্ৰৰ অশনি সংকেত! নিজ ইচ্ছামতে শিল্প প্ৰতিষ্ঠানক চাকৰিৰ পৰা শ্ৰমিক-কৰ্মচাৰীক চাটাই কৰাৰ অধিকাৰ দিবলৈ উলাইছে কেন্দ্ৰীয় চৰকাৰে।

কেন্দ্ৰীয় চৰকাৰে শনিবাৰে লোকসভাত আৰু এখন জনবিৰোধী বিল উত্থাপন কৰিছে।

লোকসভাত উত্থাপন কৰা এই বিলখনৰ প্ৰস্তাৱ মৰ্মে শিল্প তথা উদ্যোগ প্ৰতিষ্ঠানসমূহে শ্ৰমিক-কৰ্মচাৰী চাটাই কৰাৰ সময়ত চৰকাৰৰ অনুমতি লোৱাৰ প্ৰয়োজন নহ’ব।

কেন্দ্ৰৰ মতে যিবোৰ প্ৰতিষ্ঠানত ৩০০ কৰ্মী আছে, সেইসমূহ প্ৰতিষ্ঠান এই আইনৰ আওতালৈ আহিব।

এই আইন কাৰ্যকৰী হ’লে নিশ্চিতভাৱে দেশৰ শ্ৰমিক-কৰ্মচাৰীসকলৰ জীৱন-জীৱিকাৰ সংকটে দেখা দিব।

বৰ্তমানৰ প্ৰচলিত আইন অনুসৰি যিবোৰ প্ৰতিষ্ঠানত এশতকৈ কম কৰ্মী থাকে সেই প্ৰতিষ্ঠানে কৰ্মচাৰী চাটাই কৰাৰ ক্ষেত্ৰত চৰকাৰৰ অনুমতি লোৱাৰ প্ৰয়োজন নাই।

এতিয়া নতুন আইনখনে প্ৰতিষ্ঠানসমূহৰ পক্ষ লৈ তেনে কৰ্মচাৰীৰ সংখ্যা ৩০০  লৈ বৃদ্ধি  কৰিছে। ফলত দেশৰ বহু প্ৰতিষ্ঠানৰ শ্ৰমিক-কৰ্মচাৰী জীৱিকালৈ অনিশ্চয়তা নামি আহিব।

শনিবাৰে লোকসভাত কেন্দ্ৰীয় শ্ৰম মন্ত্ৰী সন্তোষ গোৱেংকাই এই শ্ৰমিক বিৰোধী ‘ইণ্ডাষ্ট্ৰিয়েল ৰিলেশ্যন কোড বিল ২০২০’ বিলখন  লোকসভাৰ মজিয়াত উত্থাপন কৰে।

উল্লেখ্য যে, এই শ্ৰমিক-কৰ্মচাৰী বিৰোধী বিলখন দেশৰ বিভিন্ন শ্ৰমিক সংগঠসমূহে তীব্ৰ বিৰোধিতা কৰিছে। আনকি কংগ্ৰেছসহ একাধিক বিৰোধী দলেও বিৰোধিতা কৰিছে এই শ্ৰমিক-কৰ্মচাৰী বিৰোধী বিলখনৰ।