কিছুমান দেশৰ নেতাৰ আমেৰিকা নিৰ্ভৰশীলতাৰ পৰিণতিৰ পৰা শিক্ষা লওক জেলেনস্কিয়ে: ইৰান

Iran warns Zelensky ইৰানে ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিক সতৰ্ক কৰি দিছে। জেলেনস্কিয়ে তেহৰাণৰ বিৰুদ্ধে যোৱা কেইমাহমান ধৰি ৰাছিয়ালৈ ড্ৰোন যোগান ধৰাৰ অভিযোগ উত্থাপন কৰি আহিছে। ইৰাণে বাৰে বাৰে এই অভিযোগ অস্বীকাৰ কৰি কৈছে যে ৰাছিয়াক কিছুমান ড্ৰোন দিয়া হৈছিল যদিও সেইটো যুদ্ধ আৰম্ভ হোৱাৰ আগৰ কথা।

ইউৰোপীয় ইউনিয়নে ইতিমধ্যে ৰাছিয়ালৈ ড্ৰোন যোগান ধৰাৰ বাবে ইৰাণৰ ওপৰত কেইবাটাও নিষেধাজ্ঞা আৰোপ কৰিছে।

লগতে পঢ়ক: বিমুদ্ৰাকৰণ বৈধ আছিল? এই সন্দৰ্ভত অহা ২ জানুৱাৰীত উচ্চতম ন্যায়ালয়ে দিব ইয়াৰ ৰায়

বৃহস্পতিবাৰে আমেৰিকা যুক্তৰাষ্ট্ৰৰ কংগ্ৰেছলৈ দিয়া এক ভাষণত ইউক্ৰেইনৰ ৰাষ্ট্ৰপতিয়ে কয় যে ইৰাণে ৰাছিয়াক শ শ বিপদজনক ড্ৰোন দিছে যি ইউক্ৰেইনৰ গুৰুত্বপূৰ্ণ স্থাপনাসমূহৰ বাবে ভাবুকিৰ সৃষ্টি কৰিছে।

আমেৰিকা যুক্তৰাষ্ট্ৰত জেলেনস্কিৰ মন্তব্যই ইৰাণক ক্ষুব্ধ কৰি তুলিছে। বৃহস্পতিবাৰে তেহৰানে জেলেনস্কিক সতৰ্ক কৰি দিয়ে যে “ভিত্তিহীন অভিযোগৰ ক্ষেত্ৰত ইৰাণৰ ধৈৰ্য্যৰ এক সীমা আছে”।

ইৰাণৰ বৈদেশিক মন্ত্ৰালয়ৰ মুখপাত্ৰ নাছেৰ কানানীয়ে কয় যে ৱাশ্বিংটনলৈ যোৱা জেলেনস্কিয়ে তেওঁৰ ভাষণত ইৰাণক দোষাৰোপ কৰিছে আৰু এক অশোভনীয় মন্তব্য দিছে। অৱশ্যে, আমি ইউক্ৰেইনকে ধৰি সকলো দেশৰ আঞ্চলিক অখণ্ডতাক সন্মান কৰোঁ। জেলেনস্কিয়ে জানিব লাগে যে ভিত্তিহীন অভিযোগৰ সন্দৰ্ভত ইৰাণৰ কৌশলগত ধৈৰ্য্যৰো এক সীমা আছে।

লগতে পঢ়ক: ‘ঘৈণী লাগে, কইনা বিচাৰি দিয়ক’, বিয়াৰ পোছাক পিন্ধি ঘোঁৰাত উঠি হাতত পোষ্টাৰ লৈ ডঙুৱাৰ দল!

ইৰাণৰ বৈদেশিক মন্ত্ৰালয়ৰ মুখপাত্ৰগৰাকীয়ে জেলেনস্কিক উদ্দেশ্যি কয়,”জেলেনস্কিয়ে আমেৰিকা যুক্তৰাষ্ট্ৰৰ ওপৰত কিছুমান দেশৰ নেতাৰ নিৰ্ভৰশীলতাৰ পৰিণতিৰ পৰা শিক্ষা ল’ব লাগে।”