‘ফটো ক’ত?’ দিল্লীত প্ৰধানমন্ত্ৰী মোদীয়ে মণিপুৰৰ মুখ্যমন্ত্ৰী বীৰেণ সিঙক সাক্ষাৎ কৰাৰ পিছত প্ৰশ্ন জয়ৰাম ৰমেশৰ
দেওবাৰে (২৮ জুলাই) দিল্লীত মণিপুৰৰ মুখ্যমন্ত্ৰী এন বীৰেণ সিঙে প্ৰধানমন্ত্ৰী নৰেন্দ্ৰ মোডীৰ সৈতে ৰুদ্ধদ্বাৰ বৈঠকত মিলিত হৈছিল। বাতৰি অনুসৰি, বিগত বৰ্ষত আৰম্ভ হোৱা গোষ্ঠীগত হিংসাত ক্ষতিগ্ৰস্ত উত্তৰ-পূবৰ ৰাজ্যখনৰ পৰিস্থিতি সন্দৰ্ভত সিং আৰু প্ৰধানমন্ত্ৰী মোদীয়ে আলোচনা কৰিছিল।
ভাৰতীয় জনতা পাৰ্টিৰ মুখ্যমন্ত্ৰীসকলৰ বিশেষ সন্মিলনৰ বাবে ৰাষ্ট্ৰীয় ৰাজধানীত আছিল মুখ্যমন্ত্ৰী সিং। বাতৰি মতে, ইয়াৰ মাজতে প্ৰধানমন্ত্ৰীৰ সৈতে মণিপুৰৰ মুখ্যমন্ত্ৰীৰ চমু বৈঠকখন অনুষ্ঠিত হয়।
বিশেষকৈ মণিপুৰত চলি থকা সংকটৰ সম্ভাৱ্য সমাধানৰ বাবে কেন্দ্ৰ আৰু ৰাজ্যৰ পৰিকল্পনা আৰু ৰোডমেপ সন্দৰ্ভত আলোচনা কৰাৰ কথা আছিল এই বৈঠকত। খবৰ অনুসৰি এই বৈঠকত কেন্দ্ৰীয় মন্ত্ৰী অমিত শ্বাহ আৰু ৰাজনাথ সিংও উপস্থিত আছিল।
লগতে পঢ়কঃ ৰাছিয়াৰ হৈ যুদ্ধ কৰি ইউক্ৰেইনত নিহত হাৰিয়ানাৰ যুৱক; পুটিনৰ দেশত বিচাৰি গৈছিল চাকৰি
মণিপুৰত প্ৰধানমন্ত্ৰীয়ে মৌনতা অৱলম্বন কৰা বুলি অভিযোগ উত্থাপন কৰি বিজেপিৰ ওপৰত বিৰোধীয়ে হেঁচা প্ৰয়োগ কৰাৰ সময়তে এই বৈঠক অনুষ্ঠিত হয়। সংসদতো এই বিষয়টো কঁপাই তুলিছিল আৰু বিৰোধী নেতাই লোকসভাত মণিপুৰৰ শ্লোগান দিয়াৰ বিপৰীতে ২ জুলাইত সংসদৰ পূৰ্বৰ অধিৱেশনত ৰাষ্ট্ৰপতি দ্ৰৌপদী মুৰ্মুৰ যৌথ ভাষণৰ সময়ত প্ৰধানমন্ত্ৰী মোদীয়ে ভাষণ দিছিল।
ইপিনে, কংগ্ৰেছ নেতা জয়ৰাম ৰমেশে প্ৰধানমন্ত্ৰী আৰু মণিপুৰৰ মুখ্যমন্ত্ৰীৰ বৈঠকৰ ছবি ক’ত বুলি প্ৰশ্ন উত্থাপন কৰিছে।
এক্সত এটা পোষ্টত ৰমেশে কয় যে, ‘আজি পুৱা বাতৰি প্ৰকাশ পাইছে যে হিংসাজৰ্জৰ মণিপুৰৰ মুখ্যমন্ত্ৰীয়ে অজৈৱিক প্ৰধানমন্ত্ৰীৰ সৈতে ৰুদ্ধদ্বাৰ এখন চুটি বৈঠকত মিলিত হৈছিল, য’ত স্বয়ম্ভু চানক্য আৰু ৰক্ষা মন্ত্ৰীও উপস্থিত আছিল।
লগতে পঢ়কঃ APSC কেলেংকাৰীৰ মূল অভিযুক্ত ৰাকেশ পালক ১৪ বছৰৰ কাৰাদণ্ড, ২ লাখ টকা জৰিমনা আদালতৰ
ৰমেশে লগতে কয় যে সাধাৰণতে যেতিয়া এনে বৈঠক হয় তেতিয়া এক্সত ফটো পোষ্ট কৰা হয় । নৰেন্দ্ৰ মোদী বা বীৰেণ সিঙ কোনেও সেয়া কৰা নাই। কিয় এই অনিহা? নে বৈঠকখন প্ৰকৃততে হোৱাই নাছিল?,” অৱশ্যে অৰুণাচল প্ৰদেশৰ মুখ্যমন্ত্ৰী পেমা খাণ্ডুৰ প্ৰধানমন্ত্ৰীৰ সৈতে বৈঠকৰ ফটোখন প্ৰধানমন্ত্ৰীৰ কাৰ্যালয়ে পোষ্ট কৰা বুলি তেওঁ আঙুলিয়াই দিয়ে।
This morning news has been put out that the embattled Manipur CM had a short closed-door meeting with the non-biological PM, in which the self-styled Chankya and the Raksha Mantri were also present.
Normally when such meetings take place there will be photographs posted on X.…
— Jairam Ramesh (@Jairam_Ramesh) July 29, 2024
দেওবাৰে ৰমেশে বীৰেণ সিঙৰ ওপৰত তীব্ৰ আক্ৰমণ চলাই কৈছিল যে ৰাজ্যৰ ভিতৰৰ হিংসাত্মক পৰিস্থিতি আৰু অশান্তিৰ সন্দৰ্ভত মুখ্যমন্ত্ৰীয়ে প্ৰধানমন্ত্ৰী নৰেন্দ্ৰ মোদীৰ সৈতে এখনৰ পিছত এখনকৈ বৈঠকত আলোচনা কৰিছে নেকি বুলি মণিপুৰৰ নাগৰিকে সোধা-পোছা কৰি আছে।