এক হৃদয়বিদাৰক ঘটনা! শিৱসাগৰৰ ৰাষ্ট্ৰীয় পৰ্যায়ৰ পাঞ্জা খেলুৱৈ জিমি দাসৰ ৰহস্যজনক মৃত্যু

ৰাষ্ট্ৰীয় পৰ্যায়ৰ পাঞ্জা খেলুৱৈ জিমি দাসৰ ৰহস্যজনক মৃত্যুৱে অঞ্চলটোত চাঞ্চল্যৰ সৃষ্টি কৰিছে। যুৱ খেলুৱৈগৰাকীয়ে বিষ পান কৰি বিহপান কৰি চূড়ান্ত পথ বাছি লোৱাৰ সন্দেহ কৰা হৈছে। শিৱসাগৰৰ ১৭ বছৰীয়া ৰাষ্ট্ৰীয় পৰ্যায়ৰ পাঞ্জা খেলুৱৈ জিমি দাসৰ আত্মহননৰ ঘটনাই স্তম্ভিত কৰি তুলিছে পৰিয়াল তথা শুভাকাংশক্ষীক।

ঘটনাৰ পিছতে ডিব্ৰুগড়ৰ অসম চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰা হয় আৰু চিকিৎসাৰ পূৰ্বে মৃত্যু হোৱা বুলি জানিব পৰা গৈছে। যুৱ খেলুৱৈগৰাকীৰ অত্মহনৰ আঁৰৰ সঠিক কাৰণ এই সময়ত জানিব পৰা হোৱা নাই। কৰ্তৃপক্ষই এই ঘটনাৰ তদন্ত অব্যাহত ৰাখিছে বুলি জানিব পৰা গৈছে।

উল্লেখ্য যে জিমি ৰাষ্ট্ৰীয় পৰ্যায়ৰ পাঞ্জাত স্বৰ্ণ পদক জয় কৰিছিল আৰু অসম এনাৰ্জী ইনষ্টিটিউৰ ছাত্ৰী আছিল। প্ৰসংগক্ৰমে, যোৱা বছৰ বহিৰাগতৰ দ্বাৰা জিমি দাস শাৰীৰিক আক্ৰমণৰ বলি হোৱাৰ পিছতে চৰ্চালৈ আহিছিল। আৰু পিছত তেওঁৰ সমৰ্থনত প্ৰতিবাদী কাৰ্যসূচীও গ্ৰহণ কৰিছিল। খেলুৱৈগৰাকীৰ অকাল বিয়োগে ক্ৰীড়া সমাজত শোকৰ ছাঁ পেলাইছে।

এই ঘটনাই মানসিক স্বাস্থ্যৰ সজাগতা আৰু দুৰ্দশাগ্ৰস্ত যুৱসমাজৰ বাবে শক্তিশালী সমৰ্থন ব্যৱস্থাৰ প্ৰয়োজনীয়তাৰ বিষয়টো পুনৰ অলোকপাত কৰিছে।