আমেৰিকাৰ ৰাষ্ট্ৰপতি পদৰ দৌৰৰ পৰা আঁতৰি গ’ল বাইডেন; কোন হ’ব ডেম’ক্ৰেটৰ প্ৰাৰ্থী?
চাপত পৰি পিছুৱাই গ’ল আমেৰিকাৰ ৰাষ্ট্ৰপতি জো বাইডেনে। অৱশেষত ৰাষ্ট্ৰপতি পদৰ দৌৰৰ পৰা আঁতৰি আহিল। ছ’চিয়েল মিডিয়াত চমু প্ৰতিক্ৰিয়া প্ৰকাশ কৰি ডেম’ক্ৰেটিক দলৰ বৰ্ষীয়ান নেতাগৰাকীয়ে কয় যে মই দল আৰু দেশৰ স্বাৰ্থত নিজকে আঁতৰাই আনিলো।
৮১ বছৰীয়া বাইডেনক মনোনীত কৰিবলৈ তেওঁৰ দলে দ্বিধাবোধ কৰিছিল। ইয়াৰ মাজতে জনা গৈছিল যে শাৰীৰিক কাৰণত বাইডেনৰ পৰিয়ালে তেওঁক পুনৰ নিৰ্বাচনত অৱতীৰ্ণ হোৱাটো নিবিচাৰে।ৰাষ্ট্ৰপতি পদৰ প্ৰাৰ্থীগৰাকীয়ে শেষ মুহূৰ্তত ডেম’ক্ৰেট শিবিৰ সলনি কৰিব পাৰে বুলি জল্পনা-কল্পনা চলিছিল। বাস্তৱতে সেইটোৱেই ঘটিল।
দেওবাৰে এক্স হেণ্ডেলত এটা পোষ্ট দিয়ে আমেৰিকাৰ ৰাষ্ট্ৰপতিগৰাকীয়ে। তাত তেওঁ সমৰ্থকসকলক কয় যে তেওঁ ২০২৫ চনৰ জানুৱাৰী মাহলৈকে ৰাষ্ট্ৰপতি পদত অধিষ্ঠিত থাকিব। অৱশ্যে ৰাষ্ট্ৰপতি প্ৰাৰ্থীপদৰ পৰা প্ৰত্যাহাৰ কৰিছে নিজৰ নাম।
লগতে পঢ়কঃ গুৱাহাটীৰ ব্যৱসায়ীৰ মৃতদেহ উদ্ধাৰ; চতুৰ্থ পত্নীৰ বিৰুদ্ধে অভিযোগ তৃতীয় পত্নীৰ
বাইডেনে লিখিছে যে আমেৰিকাৰ ৰাষ্ট্ৰপতি হিচাপে কাৰ্যনিৰ্বাহ কৰাটো মোৰ জীৱনৰ আটাইতকৈ ডাঙৰ সন্মান। যেতিয়া সন্মুখত পুনৰ নিৰ্বাচন, তেনেক্ষেত্ৰত মই বিশ্বাস কৰোঁ যে দল আৰু দেশৰ স্বাৰ্থত নিজকে আঁতৰাই অনা আৰু ৰাষ্ট্ৰপতিৰ কাৰ্যকালৰ বাকী সময়ছোৱাত সকলো কৰ্তব্য দায়িত্বসহকাৰে পালন কৰাটোৱে সঠিক সিদ্ধান্ত।”
ৰাষ্ট্ৰপতি পদৰ দৌৰৰ পৰা বাইডেনৰ প্ৰস্থানে উপ-ৰাষ্ট্ৰপতি কমলা হেৰিছৰ পথ প্ৰশস্ত কৰা বুলি অনুমান কৰা হৈছে। যদি কমলা দলৰ টিকট পাই নিৰ্বাচনত জয়ী হৈ আমেৰিকাৰ ৰাষ্ট্ৰপতি হয়, দেশখনত ইতিহাস সৃষ্টি হ’ব। তেতিয়াই প্ৰথমগৰাকী ‘কৃষ্ণাংগ’ মহিলা ৰাষ্ট্ৰপতিৰ বাবে হোৱাইট হাউছৰ দুৱাৰ মুকলি হ’ব। আনহাতে, আমেৰিকাই প্ৰথমগৰাকী ভাৰতীয় বংশোদ্ভূত ৰাষ্ট্ৰপতি লাভ কৰিব।
My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV
— Joe Biden (@JoeBiden) July 21, 2024
উল্লেখ্য যে কমলাৰ মাকৰ নাম শ্যামলা গোপালন। তামিলনাডুৰ এগৰাকী বাসিন্দা। পেছাত জীৱবিজ্ঞানী। অৱশ্যে ৮১ বছৰীয়া ডেম’ক্ৰেট নেতাগৰাকীয়ে নিজৰ উত্তৰাধিকাৰীৰ নাম ঘোষণা কৰা নাই। অৱশ্যে পোষ্টটোৰ সৈতে তেওঁ নিজৰ আৰু কমলাৰ এখন ছবি পোষ্ট কৰে। যিটো উংগিতপূৰ্ণ বুলি গণ্য কৰা হৈছে।