জুবিন গাৰ্গৰ মৃত্যুৰ গোচৰৰ পাঁচজন অভিযুক্তৰ ন্যায়িক জিম্মা আৰু ১৪ দিনলৈ বৃদ্ধি

মঙলবাৰে মুখ্য ন্যায়িক দণ্ডাধীশ আদালতে জুবিন গাৰ্গৰ মৃত্যুৰ গোচৰৰ পাঁচজন অভিযুক্তৰ ন্যায়িক জিম্মা আৰু ১৪ দিন বৃদ্ধি কৰে।

এই পাঁচজন অভিযুক্ত হৈছে ক্ৰমে শ্যামকানু মহন্ত, সিদ্ধাৰ্থ শৰ্মা, সন্দীপন গাৰ্গ, ব্যক্তিগত পি এছ অ’ নন্দেশ্বৰ বৰা আৰু পৰেশ বৈশ্য।

বৰ্তমান তেওঁলোক বাস্কা জিলা কাৰাগাৰত বন্দী হৈ থকাৰ বাবে ভাৰ্চুৱেল শুনানিৰ জৰিয়তে আদালতত হাজিৰ কৰোৱা হয়।

ইয়াৰ পূৰ্বে এই গোচৰৰ সন্দৰ্ভত গ্ৰেপ্তাৰ হোৱাৰ পিছত ১৫ অক্টোবৰত অভিযুক্তকেইজনক ন্যায়িক জিম্মালৈ প্ৰেৰণ কৰা হৈছিল।

জিম্মাত ৰখাৰ বৰ্ধিত সময়সীমা শেষ হোৱাৰ পিছত পৰৱৰ্তী শুনানি হোৱাৰ সম্ভাৱনা আছে।

আনহাতে, একেটা গোচৰতে অভিযুক্ত শেখৰ জ্যোতি গোস্বামী আৰু অমৃতপ্ৰভা মহন্ত বৰ্তমান হাফলং কাৰাগাৰত বন্দী হৈ আছে।

ইপিনে, এই গোচৰৰ তদন্ত এতিয়াও অব্যাহত আছে। তদন্ত অব্যাহত থকাৰ সময়তে কেইবাজনো ব্যক্তিক বিশেষ তদন্তকাৰী দলে জেৰা কৰিছে।