পুনৰ এনে দৃশ্য চাবলৈ ১০৭ বছৰৰ অপেক্ষা! আজি আকাশত চকু ৰাখিলেই দেখা পাব উজ্জ্বল বৃহস্পতি

Jupiter comes closest to Earth in 59 years আজি সোমবাৰে (২৬ছেপ্টেম্বৰ) আকাশত চকু ৰাখিলেই আপুনি সাক্ষী হ’ব পাৰে এক বিৰল মহাজাগতিক ঘটনাৰ।কিয়নো আপুনি সৌৰজগতৰ আটাইতকৈ ডাঙৰ গ্ৰহ বৃহস্পতিক খালি চকুৰে অতি স্পষ্টভাৱে দেখা পাব পাৰে।

আজি ৫৯ বছৰৰ পিছত এই স্থিতিত আহি পৰিছে বৃহস্পতি। পুনৰ একে ঠাইলৈ আহিবলৈ বৃহৎ গ্ৰহটোক লাগিব ১০৭ বছৰ। সেয়ে এই মহাজাগতিক দৃশ্যটো চকুৰ পৰা সাৰি যাব দিয়াটো উচিত নহয়।

আজি নিশা পৃথিৱীৰ পৰা বৃহস্পতি গ্ৰহৰ দূৰত্ব হৈছে ৫৯ কোটি ৬ লাখ ২৯ হাজাৰ ২৪৮ কিলোমিটাৰ। ইয়াক ২১২৯ চনত পুনৰ ইমান ওচৰত দেখা পোৱা যাব।

বৃহস্পতি গ্ৰহই সূৰ্যক প্ৰদক্ষিণ কৰিবলৈ ১১ বছৰ সময় লয়। আজি ই সূৰ্যৰ ঠিক বিপৰীত কক্ষপথত থাকিব, যাৰ ফলত তাক নিশাৰ আকাশত এক অতি উজ্জ্বল তৰাৰ দৰে দেখাব।

আকাশত মাইনাছ ২.৯ মেগনিটিউতত অৱস্থান কৰিব গ্ৰহবোৰৰ মাজত আটাইতকৈ বিশাল গ্ৰহটো। সেইবাবেই ইয়াক আকাৰত ডাঙৰ আৰু উজ্জ্বল দেখা যাব। বৃহস্পতি আৰু ইয়াৰ ৫৩ টা উপগ্ৰহ গোটেই নিশাজুৰি আকাশত থাকিব।

বৃহস্পতিক সোমবাৰে সন্ধিয়া ৫.২৯ বজাৰ পৰা মঙলবাৰে (২৭ ছেপ্টেম্বৰ) পুৱা ৫.৩১ বজালৈ এই ৰূপত দেখা যাব।