জুৰীয়া আৰক্ষীৰ জালত পৰিল কুখ্যাত নাৰী সৰবৰাহকাৰী চক্ৰ
অসমৰ বিভিন্ন ঠাইৰ ঘাইকৈ সংখ্যালঘূ সম্প্ৰদায়ৰ নাবালিকা কিশোৰীৰ পৰা আৰম্ভ কৰি যুৱতী, ন-বিবাহিতা মহিলা আৰু বহিঃৰাজ্যত কৰ্মৰত লোকসকলৰ পত্নীৰ মোবাইলত ফোন যোগে চিনাকি হৈ বিয়াৰ মিছা প্ৰলোভন দি বহিঃৰাজ্যলৈ নি বিভিন্ন ৰেষ্টোৰা, হোটেল আৰু আন ধনী ব্যৱসায়ীৰ সৈতে দেহ ব্যৱসায়ত লিপ্ত কৰোৱা এক নাৰী ব্যৱসায়ী চক্ৰৰ মাস্টাৰমাইণ্ডক নগাঁও জিলাৰ ধুপগুৰী পথাৰৰ পৰা আজি জুৰীয়া আৰক্ষীয়ে আটক কৰিছে।
জুৰীয়াৰ কদমনি পথাৰৰ ভুক্তভোগী এগৰাকী যুৱতীক বিয়া পতাৰ প্ৰলোভনেৰে বহিঃ ৰাজ্যলৈ নি বন্দী কৰি অনৈতিক কাৰ্য্যত লিপ্ত কৰাই লাখ লাখ টকা ঘটাৰ সহজ পন্থা অৱলম্বন কৰিছিল ধৃত ফুজাইল আহমেদে।
জুৰীয়াৰ ভুক্তভোগী যুৱতী গৰাকীয়ে জুৰীয়াত থকা দেউতাকৰ সৈতে গোপনে যোগাযোগ কৰি সবিশেষ বৰ্ণনা কৰাত আৰক্ষীৰ সহযোগত তামিলনাডুৰ পৰা যুৱতী গৰাকীয়ক উদ্ধাৰ কৰাৰ লগতে ভুক্তভোগী কিশোৰীৰ অভিযোগৰ ভিত্তিত আটক কৰা হয় নাৰী সৰবৰাহকাৰী ফুজাইল আহমেদক।
নাৰী ব্যৱসায়ী এই চক্ৰৰ কৱলত এতিয়াও অসমৰ বহু যুৱতী বন্দী হৈ আছে বুলিও কিশোৰী গৰাকীয়ে জানিবলৈ দিয়ে।
ইতিমধ্যে জুৰীয়া আৰক্ষীয়ে ধৃত ফুজাইল আহমেদক জেল হাজোতলৈ প্ৰেৰণ কৰিছে।
বিয়াৰ মিছা প্ৰলোভন দি বহিঃৰাজ্যলৈ নি দেহ ব্যৱসায়ত লিপ্ত কৰোৱা নাৰী ব্যৱসায়ী চক্ৰৰ বিৰুদ্ধে জাঙুৰ খাই উঠিছে সংখ্যালঘু ছাত্ৰ ইউনিয়ন চমুকৈ আমছু। এই নাৰী ব্যৱসায়ী চক্ৰ শীঘ্ৰে উৎখাত কৰিবলৈ সংগঠনটোৰ নেতৃবৃন্দই আহ্বান জনাইছে।
You may also like
কৰ’নাৰ দ্বিতীয় ঢৌত অস্থিৰ দেশ! যোৱা ২৪ঘন্টাত আক্ৰান্ত প্ৰায় ৪ লাখ; ৪হাজাৰৰো অধিকৰ মৃত্যু
দেশত কৰ’নাৰ দ্বিতীয়টো ঢৌৱে ব্যাপক সন্ত্ৰাসৰ সৃষ্টি কৰিছে। দিনে দিনে সংক্ৰমণৰ ঘটনাই অভিলেখ গঢ়িবলৈ লৈছে। যোৱা ২৪ঘন্টাত দেশত প্ৰথমবাৰৰ বাবে দৈনিক মৃত্যুৰ…
মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে অভিযোগ দাখিল প্ৰদেশ কংগ্ৰেছৰ মহিলা শাখাৰ
অসম প্ৰদেশ মহিলা কংগ্ৰেছে দিছপুৰ থানাত মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে অভিযোগ দাখিল কৰিছে। শনিবাৰে মধ্যপ্ৰদেশৰ নিৰ্বাচনী প্ৰচাৰৰ সময়ত মহিলা ঘৃণামূলক ভাষণ…
‘ভাৰতৰো হৈছিল শ্ৰীলংকাৰ দৰে পৰিস্থিতি’-শ্ৰীলংকাৰ সাংসদৰ এই দাবীৰ আঁৰত কি কাহিনী?
শ্ৰীলংকা এতিয়া যিধৰণৰ পৰিস্থিতিত আছে, ১৯৯১ চনত ভাৰতৰো একেই অৱস্থা হৈছিল। সেইদৰে ভাৰতৰ দৰে শ্ৰীলংকাইও এই বিপদ অতিক্ৰম কৰিব। কিন্তু তাৰবাবে সকলো…
চিকিৎসালয়ত জীৱন-মৃত্যুৰ ৪৮ ঘণ্টীয়া যুঁজ : অৱশেষত হাৰ মানিলে সংসদৰ সমুখত নিজৰ দেহত অগ্নিসংযোগ কৰা যুৱকে
অৱশেষত জীৱন-মৃত্যুৰ যুঁজত হাৰ মানিলে জীতেন্দ্ৰই। বুধবাৰে সংসদ ভৱনৰ সমুখত নিজৰ শৰীৰত জুই লগাই দিছিল এই যুৱকজনে। তাৰপিছত তেওঁক সংসদৰ নিৰাপত্তাৰক্ষীয়ে উদ্ধাৰ…