হাইস্কুল আৰু উচ্চতৰ মাধ্যমিক শিক্ষান্ত পৰীক্ষাৰ বাবে কলিয়াবৰ মহকুমাত জাৰি কৰা হ’ল ১৪৪ ধাৰা

কাইলৈৰ পৰা অনুষ্ঠিত হ’বলগীয়া হাইস্কুল আৰু উচ্চতৰ মাধ্যমিক শিক্ষান্ত পৰীক্ষাৰ বাবে কলিয়াবৰ মহকুমাত ১৪৪ ধাৰা জাৰি কৰা হৈছে।

সেই অনুসৰি ১৫মাৰ্চৰ পৰা কোনোৱে নিজ ইচ্ছা অনুসৰি মাইক আৰু ডিজে বক্স বজাব নোৱাৰিব। এই আদেশ অমান্য কৰি কোনোৱে বজালেই জৰিমনা ভৰিব লাগিব।

মঙলবাৰৰ পৰা ৰাজ্যত অনুষ্ঠিত হ’বলগীয়া হাইস্কুল আৰু উচ্চতৰ মাধ্যমিক শিক্ষান্ত পৰীক্ষাত অৱতীৰ্ণ ছাত্র-ছাত্ৰী সকলৰ সুবিধাৰ্থে কলিয়াবৰ মহকুমা প্ৰশাসনে এনে কঠোৰ পদক্ষেপ গ্ৰহণ কৰিছে।

লগতে পঢ়ক: যুদ্ধৰ খবৰ: এদিনতে ৰাছিয়াৰ চাৰিখন যুদ্ধবিমান গুলীয়াই ভূপতিত কৰাৰ দাবী ইউক্ৰেইনৰ

ৰাজ্যৰ বিভিন্ন স্থানৰ লগতে কলিয়াবৰ মহকুমা প্ৰশাসনেও পৰীক্ষাৰ্থীসকলৰ সুবিধাৰ্থে কলিয়াবৰত ১৪৪ ধাৰা জাৰি কৰিছে।

সেইদৰে, কোনোৱে মাইক আৰু ডিজে বক্স সীমিত শব্দৰ ভিতৰত বজাবলৈ হ’লে প্ৰশাসনৰ অনুমতি ল’ব লাগিব।

কিন্তু অনুমতি নোলোৱাকৈ উচ্চ শব্দত মাইক আৰু ডিজে বক্স বজালেই ভাৰতীয় দণ্ড বিধি আইনৰ ১৪৪ ধাৰাৰ অধীনত দণ্ডণীয় হ’ব। ১৫মাৰ্চৰ পৰা পৰীক্ষা শেষ নোহোৱা পৰ্যন্ত  এই নিয়ম কাৰ্যকৰী হৈ থাকিব।

লগতে পঢ়ক: কাইলৈৰ পৰা আৰম্ভ হ’বলগীয়া হাইস্কুল শিক্ষান্ত পৰীক্ষাৰ বাবে সাজু শিৱসাগৰ জিলা শিক্ষা বিভাগ

আনহাতে,পৰীক্ষা কেন্দ্ৰসমূহৰ সন্মুখত পৰীক্ষা চলি থকা সময়ত গাড়ীৰ চালক সকলেও হৰ্ণ বজাব নোৱাৰিব।