ডোনাল্ড ট্ৰাম্পে বিচাৰিলেও কৰ’নাৰ ভেকচিন নলয় কমলা হেৰিছে; কিন্তু কিয়?

কৰ’না ভাইৰাছ সংকটৰ মুখামুখি হোৱাৰ পাছতো আমেৰিকাৰ ৰাষ্ট্ৰপতি ডোনাল্ড ট্ৰাম্প সম্পূৰ্ণ উদাসীন হৈ আছে।

ডোনাল্ড ট্ৰাম্পক দায়িত্বজ্ঞানহীন বুলি অভিহিত কৰিছে আমেৰিকাৰ ডেম’ক্ৰেট দলৰ উপ-ৰাষ্ট্ৰপতি পদৰ প্ৰাৰ্থী কমলা হেৰিছে।

হেৰিছে লগতে ট্ৰাম্পৰ কোনো কথাই নামানে বুলি উল্লেখ কৰি ট্ৰাম্পে যদি ভেকচিন ল’বলৈ কয় সেয়াও তেওঁ নিনিয়ে বুলি কয়।

নিৰ্বাচনী প্ৰচাৰৰ অংশ হিচাপে কমলা হেৰিছে বৰ্তমানৰ উপ-ৰাষ্ট্ৰপতি মাইক পেঞ্চৰ মুখামুখি হয়। বিতৰ্কত কমলা হেৰিছে কৰ’নাৰ বিষয়ত ৰাষ্ট্ৰপতি ট্ৰাম্পক তীব্ৰ আক্ৰমণ কৰে।

তেওঁ কৰ’না প্ৰতিৰোধৰ ক্ষেত্ৰত ট্ৰাম্প ব্যৰ্থ হোৱাৰ অভিযোগ তুলি তেওঁ আমেৰিকাৰ জনসাধাৰণৰ নিৰাপত্তাক লৈ সম্পূৰ্ণ উদাসীন বুলি দাবী কৰে। হেৰিছে ট্ৰাম্প কেবল নিজৰ প্ৰচাৰক লৈহে ব্যস্ত বুলি দাবী কৰে।

ভাৰতীয় বংশোদ্ভৱ ডেম’ক্ৰেট গৰাকীয়ে ট্ৰাম্পে কৰ’না ভেকচিনক লৈ অযথা হুলস্থুল কৰা বুলি অভিযোগ কৰে।

হেৰিছে এই ভেকচিন কিমান সুৰক্ষিত তাক লৈয়ে প্ৰশ্ন উত্থাপন কৰে। তেওঁ লগতে স্পষ্ট কৰি দিয়ে যে ট্ৰাম্পে সেই ভেকচিন নিবলৈ ক’লে তেওঁ সেই কথা নুশুনে।

ৰাষ্ট্ৰপতি পদৰ ডেম’ক্ৰেট প্ৰাৰ্থী জো বিডেনৰ লগতে উপ-ৰাষ্ট্ৰপতি পদৰ প্ৰাৰ্থী কমলা হেৰিছৰ প্ৰতিও ডোনাল্ড ট্ৰাম্পে তীব্ৰ বাক্যবান প্ৰয়োগ কৰি আহিছে। হেৰিছৰ বিৰুদ্ধে ট্ৰাম্পে বহু বিৰূপ মন্তব্যও কৰি আহিছে।