কংগনা ৰাণাৱটক চৰ সোধোৱা জোৱান কুলবিন্দৰ কৌৰক গ্ৰেপ্তাৰ

পঞ্জাব এয়াৰপোৰ্টত কংগনা ৰাণাৱটক চৰ সোধোৱা CISF জোৱান কুলবিন্দৰ কৌৰক গ্ৰেপ্তাৰ কৰা হৈছে৷শেহতীয়াকৈ মাণ্ডীৰ পৰা নিৰ্বাচনত জয়ী হৈ সাংসদ হৈছিল অভিনেত্ৰী কংগনা ৰানাৱট৷ সদ্যনিৰ্বাচিত সাংসদগৰাকীৰ লগত সংঘটিত হয় আচৰিত কাণ্ড৷ চণ্ডীগড় বিমানবন্দৰৰ পৰা দিল্লী অভিমুখী বিমানত উঠাৰ সময়তে কেন্দ্ৰীয় ঔদ্যোগিক সুৰক্ষা বাহিনীৰ এগৰাকী মহিলা জোৱানে কংগনাক চৰ মাৰে।

ছ’চিয়েল মিডিয়াত ভাইৰেল ভিডিঅ’টোত দেখাৰ দৰে বিমানবন্দৰৰ নিৰাপত্তাৰক্ষীৰ চেকিঙৰ সময়ত অভিনেত্ৰীগৰাকীৰ চাৰিওফালে ভিৰ হয়।সূত্ৰ অনুসৰি পঞ্জাবত কৃষক আন্দোলনৰ সময়ত কংগনাই কৃষকক অপমান কৰিছিল৷ যাৰ বাবে বিমানবন্দৰৰ নিৰাপত্তাৰ দায়িত্বত থকা চি আই এছ এফৰ এগৰাকী মহিলা জোৱান কুলবিন্দৰ কৌৰৰ বিৰুদ্ধে চৰ মৰাৰ অভিযোগ উত্থাপন কৰা হৈছে৷ কংগনাৰ এজন সঙ্গী মায়ংক মধুৰে প্ৰত্যুত্তৰত কুলবিন্দৰক আক্ৰমণ কৰিবলৈ গৈছিল যদিও পৰিস্থিতি বিষম দেখি চিআইএছএফৰ আন বিষয়াসকলো ততাতৈয়াকৈ তাত উপস্থিত হয় আৰু পৰিস্থিতি চম্ভালি লয়। কিন্তু পাছত কংগনাই কুলবিন্দৰৰ বিৰুদ্ধে লিখিত অভিযোগ দাখিল কৰে।লগতে কুলবিন্দৰৰ বিৰুদ্ধে কঠোৰ ব্যৱস্থা গ্ৰহণ কৰিব লাগে বুলিও তেওঁ উল্লেখ কৰে।কালি কুলবিন্দৰক নিলম্বন কৰাৰ পাছত আজি জোৱানগৰাকীক গ্ৰেপ্তাৰ কৰা হয়৷