ছটা বলত ছটা চিক্সাৰ! যুৱৰাজ সিঙৰ অভিলেখ ভংগ কৰিলে কিয়েৰণ পোলাৰ্ডে
এটা অভাৰৰ আটাইকেওটা বলতে চিক্সাৰ কোবাই জিলিকি উঠিল ৱেষ্ট ইণ্ডিজৰ কিয়েৰণ পোলাৰ্ড।
বুধবাৰে এণ্টিগুৱা এণ্ড বাৰবাডোৱাৰ ষ্টেনফ’ৰ্ড ক্ৰিকেট গ্ৰাউণ্ডত শ্ৰীলংকাৰ বিৰুদ্ধে অনুষ্ঠিত টি-২০ শৃংখলাৰ প্ৰথমখথন মেচত ৱেষ্ট ইণ্ডিজৰ অধিনায়কজনে এই প্ৰদৰ্শনেৰে ভাৰতৰ যুৱৰাজ সিঙৰ অভিলেখ স্পৰ্শ কৰিবলৈ কৰিবলৈ সক্ষম হয়।
পোলাৰ্ডৰ এই প্ৰদৰ্শনৰ দ্বাৰাই দলটোৱে চাৰি উইকেটত জয়ৰ মুখ দেখে।
এইক্ষেত্ৰত পোলাৰ্ডে বাচি লয় শ্ৰীলংকান অফ-স্পীনাৰ আকিলা ধনঞ্জয়ক।
উল্লেখযোগ্য যে ধনঞ্জয়ে পোলাৰ্ড উইকেটলৈ অহাৰ পূৰ্বৰ অভাৰটোত হেট্ৰিক অৰ্জন কৰি ৱেষ্ট ইণ্ডিজৰ বেটিংক্ৰমত ত্ৰাসৰ সৃষ্টি কৰিছিল।
ল’ স্কৰিং মেচখনত প্ৰথম বেট ধৰি শ্ৰীলংকাৰ ১৩১ ৰাণৰ প্ৰত্যুত্তৰত ৱেষ্ট ইণ্ডিজে সুন্দৰ আৰম্ভণি ঘটালেও ধনঞ্জয়ৰ বলত তৃতীয় অভাৰত ৫২ ৰাণতে তিনিটাকৈ উইকেট হেৰুৱায়।
তাৰ পাছতে কোলাৰ্ডৰ পৰাক্ৰমে ছয় অভাৰতে ১০০ ৰাণৰ সীমা অতিক্ৰম কৰে।
পোলাৰ্ডে ১১ টা বলতে ৩৮ ৰাণৰ বৰঙণি আগবঢ়ায় আৰু ৱেষ্ট ইণ্ডিজ চাৰি উইকেটত জয়ী হয়।
উল্লেখযোগ্য যে আন্তঃৰাষ্ট্ৰীয় টি-২০ ক্ৰিকেটত ইয়াৰ পূৰ্বে যুৱৰাজ সিঙে ছটা বলত ছটা চিক্সাৰ কোবাবলৈ সক্ষম হৈছিল।
২০০৭ চনৰ টি-২০ বিশ্বকাপত ইংলেণ্ডৰ বিৰুদ্ধে ষ্টুৱাৰ্ট ব্ৰ’ডৰ বলত তেওঁ এই অভিলেখৰ গৰাকী হৈছিল।
তাৰ পূৰ্বে এদিনীয়া আন্তঃৰাষ্ট্ৰীয় মেচত দক্ষিণ আফ্ৰিকাৰ হাৰ্চেল গিবচে ছটা বলত ছটা চিক্সাৰ কোবাইছিল।
টুইটাৰযোগে যুৱৰাজ সিং আৰু হাৰ্চেল গিবচে কিয়েৰণ পোলাৰ্ডক অভিনন্দন জনাইছে।
March a popular month for hitting 6x6s
16/3/2007 and 3/3/2021 congrats @KieronPollard55 👊— Herschelle Gibbs (@hershybru) March 4, 2021
হাৰ্চেল গিবচে টুইটটোত নিজৰ অভিলেখটোৰ কথা সোঁৱৰণ কৰি কয় যে মাৰ্চ মাহটো চিক্সাৰ মৰাৰ বাবে এটা জনপ্ৰিয় মাহ!
উল্লেখযোগ্য যে ২০০৭ চনৰ মাৰ্চ মাহতে এদিনীয়া বিশ্বকাপৰ লীগ মেচত নেদাৰলেণ্ডৰ বিৰুদ্ধে ছটা বলত ছটা চিক্সাৰ কোবাইছিল।
টুইটযোগে যুৱৰাজ সিঙে ‘ছয় বলত ছয় চিক্সাৰৰ ক্লাব’লৈ পোলাৰ্ডক আদৰণি জনাইছে।
Welcome to the club @KieronPollard55 #sixsixes you beauty !!!⭐️ 🌟 ⭐️🌟⭐️🌟
— Yuvraj Singh (@YUVSTRONG12) March 4, 2021
তদুপৰি আইপিএল মুম্বাই ইণ্ডিয়ানচেও পোলাৰ্ডৰ এই প্ৰদৰ্শনত অভিভূত হৈছে।
Use a GIF to salute the LLORD 😍#OneFamily #MumbaiIndians #WIvSL @windiescricket @KieronPollard55
— Mumbai Indians (@mipaltan) March 4, 2021
উল্লেখযোগ্য যে কিয়েৰণ পোলাৰ্ড মুম্বাই ইণ্ডিয়ানছৰ নিয়মীয়া সদস্য।
You may also like
শীতত কঁপি থকা দৰিদ্ৰজনৰ কাষত নিৰাপত্তাৰ উমলৈ হাজিৰ তেজপুৰৰ এজাক কলেজীয়া শিক্ষাৰ্থী
যিটো সময়ত সমাজত মানৱতাৰ অৱক্ষয় ঘটিছে, স্বাৰ্থপৰতা আৰু আত্মকেন্দ্ৰিকতাই সমাজ চানি ধৰিছে, সেই সময়তে তেজপুৰৰ এজাক কলেজীয়া শিক্ষাৰ্থীয়ে মানৱতাৰ ধ্বজাখন উৰুৱাই ৰখাৰ…
Cell Culture Laboratory Inaugurated গুৱাহাটীৰ জি আই পি এছৰ চৌহদত গৱেষণাৰ বাবে “চেল কালচাৰ” লেবৰেটৰী স্থাপন
Cell Culture Laboratory Inaugurated ফাৰ্মাচী শিক্ষা তথা গৱেষণাৰ ক্ষেত্ৰখনত অনবদ্য অৱদান আগবঢ়াই অহা গুৱাহাটীৰ আজাৰাস্থিত উচ্চ শিক্ষাৰ প্ৰতিষ্ঠান গিৰিজানন্দ চৌধুৰী ইনষ্টিটিউট অৱ…
ৰক্ষকেই ভক্ষক! কুখ্যাত বন বিষয়া অৰূপ বৈশ্যৰ বাসগৃহত উদ্ধাৰ বন্দুক, কেঁকো সাপ আৰু বহুতো
ৰক্ষকৰ ৰূপত ভক্ষক! বন বিষয়া নহয় যেন চোৰাং চিকাৰীহে! বন বিষয়াৰ ঘৰত উদ্ধাৰ কেঁকো সাপ, কাছৰ খোলা, চোৰাং চিকাৰৰ সামগ্ৰী, জীৱ জন্তুৰ…
তাহানিতে স্বামীৰ সৈতে উঠা ছবিত নাপালে নিজকে চিনি! তাৰপিছত কি কৰিলে এইগৰাকী সন্দেহবাদী মহিলাই?
যৌৱনৰ আৰম্ভনিতে লিওনোৰা নামৰ যুৱতীগৰাকী প্ৰেমত পৰিছিল তেওঁৰ বৰ্তমানৰ স্বামী জুৱানৰ সৈতে। এদিন তেওঁলোকৰ বিয়াও হৈছিল। কিন্তু বিয়াৰ পিছত দিন বাগৰি যোৱাৰ…