Gold Price Hike: সোণ-ৰূপৰ দাম বৃদ্ধি; কিমান বাঢ়িল সোণ-ৰূপৰ দাম?

বৃহস্পতিবাৰে সোণ আৰু ৰূপৰ দাম আৰু বৃদ্ধি পাইছে। সোণৰ দাম প্ৰতি ১০ গ্ৰামত প্ৰায় ৫১হাজাৰ টকা হোৱাৰ বিপৰীতে ৰূপৰ দাম প্ৰতি কিলোগ্ৰামত প্ৰায় ৬১হাজাৰ টকা হৈছে।

Multi Commodity Exchange of India Limited (MCX) ত আজি ২৪ কেৰেট বিশুদ্ধ সোণৰ মূল্য ২০৪ টকা বৃদ্ধিৰে প্ৰতি ১০ গ্ৰামত ৫০,৬৪২ টকা দেখুওৱা হৈছে। ইয়াৰ পূৰ্বে সোণৰ ব্যৱসায় প্ৰতি ১০ গ্ৰামত ৫০,৬৫০ টকা দৰত আৰম্ভ হয়। ঘৰুৱা বজাৰত সোণৰ চাহিদা বৃদ্ধিৰ বাবে কালিৰ সমাপ্তি মূল্যতকৈ আজি ই ০.৪০ শতাংশ অধিক ব্যৱসায় কৰে।

বৃহস্পতিবাৰে ৰূপৰ মূল্যও বৃদ্ধি পোৱা দেখা গৈছে। MCX ত ৰূপৰ দাম প্ৰতি কিলোগ্ৰামত ৩৬৩ টকা বৃদ্ধিৰে হৈছেগৈ ৬১,০৬০ টকা।

গ্ৰাহকে ঘৰত বহিয়েই সোণৰ দাম জানিব পাৰে। ইয়াৰ বাবে 8955664433 এই নম্বৰত এটা মিছকল দিলেই ফোনত বিশদ তথ্য লাভ কৰিব য’ত শেহতীয়া দৰৰ বিষয়ে পৰীক্ষা কৰি চাব পাৰিব।

সেইদৰে সোণৰ বিশুদ্ধতা পৰীক্ষা কৰিবলৈ চৰকাৰে প্ৰস্তুত কৰা ‘বি.আই.এছ. কেয়াৰ এপ’ৰ পৰা গ্ৰাহকসকলে সোণৰ বিশুদ্ধতা পৰীক্ষা কৰি চাব পাৰে। এই এপটোৰ জৰিয়তে গ্ৰাহকে সোণৰ বিশুদ্ধতা পৰীক্ষা কৰাৰ লগতে এই সম্পৰ্কীয়  যিকোনো অভিযোগো দিব পাৰে।