কৃষ্ণ জন্মভূমি-ইদগাহ বিতৰ্ক: মথুৰা আদালতক চাৰি মাহৰ ভিতৰত বিবাদ নিষ্পত্তিৰ নিৰ্দেশ এলাহাবাদ উচ্চ ন্যায়ালয়ৰ
কৃষ্ণ জন্মভূমি তথা শ্বাহি ইদগাহ মছজিদ বিতৰ্কৰ সন্দৰ্ভত আজি মথুৰা জিলা আদালতলৈ বিশেষ নিৰ্দেশ জাৰি কৰিছে এলাহাবাদ উচ্চ ন্যায়ালয়ে। মথুৰা জিলা আদালতক আজি এলাহাবাদ উচ্চ ন্যায়ালয়ে চাৰি মাহৰ ভিতৰত শ্বাহি ইদগাহ মছজিদৰ জৰীপ বিচাৰি কৰা আবেদন নিষ্পত্তি কৰিবলৈ নিৰ্দেশ দিয়ে।
আবেদনকাৰী মনীষ যাদৱে মথুৰা জিলা আদালতত চলি থকা শুনানিত নিৰন্তৰ স্থগিতাদেশ আৰু বিলম্বৰ অভিযোগ তুলি শেহতীয়াকৈ এলাহাবাদ উচ্চ ন্যায়ালয়ৰ কাষ চাপিছিল।
উল্লেখ্য যে মথুৰা আদালতে কাটৰা কেশৱ দেৱ মন্দিৰ চৌহদৰ কৃষ্ণ জন্মভূমি মন্দিৰৰ ওচৰৰ পৰা শ্বাহি ইদগাহ মছজিদ আঁতৰোৱাৰ নিৰ্দেশ বিচাৰি দাখিল কৰা একাধিক গোচৰৰ শুনানি গ্ৰহণ কৰি আছে।
একাংশ হিন্দুত্ববাদী লোকে আবেদন যোগে মছজিদত মন্দিৰৰ কেইবাটাও চিহ্নৰ অস্তিত্ব দাবী কৰি শ্বাহি ইদগাহ মছজিদত জৰীপৰ বাবে দাবী জনাইছিল।
হিন্দুৰ উপাস্য কৃষ্ণ জন্মভূমি বুলি বিশ্বাস কৰা মথুৰাস্থিত এই শ্বাহি ইদগাহ মছজিদ আঁতৰাবলৈ দাবী জনাই হিন্দুত্ববাদী একাংশ লোকে দাখিল কৰা আবেদন উত্তৰ প্ৰদেশৰ এখন অসামৰিক আদালতে প্ৰথমে খাৰিজ কৰিছিল।
ইয়াৰ পিছতে আবেদনকাৰীসকলে আদালতৰ পূৰ্বৰ ৰায়ক প্ৰত্যাহ্বান জনাই মথুৰা আদালতত পুনৰীক্ষণ আবেদন জনোৱা হৈছিল।
You may also like
ভুৱা এনকাউণ্টাৰৰ তদন্তৰ সম্পৰ্কত অসম চৰকাৰৰ নিৰপেক্ষতাক লৈ প্ৰশ্ন উচ্চতম ন্যায়ালয়ৰ
প্ৰেক্ষাপটত দেশৰ সৰ্বোচ্চ ন্যায়ালয়৷ গুৱাহাটী উচ্চ ন্যায়ালয়ৰ নিৰ্দেশক প্ৰত্যাহ্বান জনাই এখন আবেদনৰ শুনানিৰ সময়ত সোমবাৰে উচ্চতম ন্যায়ালয়ে অসমত সংঘটিত হোৱা ভুৱা এনকাউণ্টাৰৰ…
ভাৰতৰ নিৰাপত্তালৈ ভাবুকি! অৰুণাচল প্ৰদেশৰ নিচেই কাষেৰে চীনে চলাব বুলেট ৰে’ল
লাডাখ সংকটকলৈ ভাৰত আৰু চীনৰ মাজত সংঘাতে চূড়ান্ত পৰ্যায়ত উপনীত হোৱাৰ সময়তে আন এক খবৰে এতিয়া উদ্বিগ্ন কৰি তুলিছে ভাৰত চৰকাৰক। চীনে…
ই-মেইল যোগে সাত বিদ্যালয়ত বোমা বিস্ফোৰণৰ ভাবুকি অজ্ঞাত আততায়ীৰ
বেংগালুৰু চহৰৰ সাতখন বিদ্যালয়লৈ ই-মেইলৰ জৰিয়তে বোমা বিস্ফোৰণৰ ভাবুকি দিছে অজ্ঞাত আততায়ীয়ে। এই ভাবুকি লাভ কৰাৰ পিছতে চাঞ্চল্যৰ সৃষ্টি কৰিছে চহৰখনত। বেংগালুৰু…
ত্ৰিপুৰাৰ প্ৰথমগৰাকী কেন্দ্ৰীয় মন্ত্ৰী হিচাবে শপতগ্ৰহণ প্ৰতিমা ভৌমিকৰ
ত্ৰিপুৰাৰ প্ৰথম গৰাকী কেন্দ্ৰীয় মন্ত্ৰী হিচাবে আজি পশ্চিম ত্ৰিপুৰাৰ সাংসদ প্ৰতিমা ভৌমিকে শপতগ্ৰহণ কৰে। উল্লেখ্য ইয়াৰ পূৰ্বে অসমৰ সন্তোষমোহন দেৱ আৰু পশ্চিমবংগৰ…