তিৰুপতি মন্দিৰৰ লাড়ুত মাছৰ তেল-গৰুৰ চৰ্বি ব্যৱহাৰ কৰা হৈছে; দাবী চৰকাৰী প্ৰতিবেদনত
ৱাই এছ আৰ কংগ্ৰেছৰ নেতৃত্বত পূৰ্বৰ চৰকাৰৰ দিনত তিৰুপতি মন্দিৰত জন্তুৰ চৰ্বি ব্যৱহাৰ কৰি লাড়ু তৈয়াৰ কৰা হৈছিল! অন্ধ্ৰ প্ৰদেশৰ মুখ্যমন্ত্ৰী চন্দ্ৰবাবু নাইডুৰ অভিযোগে ইতিমধ্যে চাঞ্চল্যৰ সৃষ্টি কৰিছে।
এইবাৰ এই সন্দৰ্ভত সন্মুখলৈ আহিল চৰকাৰী প্ৰতিবেদনো। নেশ্যনেল ডেইৰী ডেভেলপমেণ্ট ব’ৰ্ডৰ চেণ্টাৰ অৱ এনালাইছিছ এণ্ড লাৰ্নিং ইন লাইভষ্টক এণ্ড ফুডৰ জুলাই মাহৰ প্ৰতিবেদন অনুসৰি তিৰুপতিৰ লাড়ু তৈয়াৰ কৰিবলৈ ব্যৱহাৰ কৰা ঘিউত মাছৰ তেল আৰু গৰুৰ চৰ্বিৰ নমুনা পোৱা গৈছে। আনকি গাহৰিৰ চৰ্বিও পোৱা গৈছে।
চন্দ্ৰবাবুৰ অভিযোগ খাৰিজ কৰি ৱাই এছ আৰ কংগ্ৰেছৰ জ্যেষ্ঠ নেতা তথা ৰাজ্যসভাৰ সাংসদ ৱাই ভি চুব্বা ৰেড্ডীয়ে তেওঁৰ বিৰুদ্ধে তিৰুমালা মন্দিৰ অপবিত্ৰ কৰাৰ অভিযোগ উত্থাপন কৰে। যদিও নাইডুৰ অভিযোগ চৰকাৰী লেবৰ ৰিপৰ্টত মানি লোৱা হৈছে। ফলত তিৰুপতি লাড্ডুক কেন্দ্ৰ কৰি এক নতুন বিতৰ্কৰ সৃষ্টি হৈছে।
লগতে পঢ়কঃ ৰাজ্যৰ এগৰাকী ভাৰতীয় প্ৰশাসনিক সেৱাৰ বিষয়া অনুৰাগ গোৱেলৰ বিৰুদ্ধে যৌন শোষণৰ অভিযোগ
বুধবাৰে এন ডি এৰ বিধায়িনী দলৰ বৈঠকত চন্দ্ৰবাবু নাইডুৱে ভাষণ দিয়াৰ সময়তে এই ঘটনা আৰম্ভ হয়। তেওঁ তাতেই এই দাবী কৰিছিল। তেওঁ তেলেগু ভাষাত কয়, ‘যোৱা পাঁচ বছৰে ৱাই এছ আৰ কংগ্ৰেছ পাৰ্টিৰ নেতাসকলে তিৰুমালাৰ পবিত্ৰতাক কলংকিত কৰিছে। ‘অন্নদানম’ (বিনামূলীয়া খাদ্য) আঁচনি কৰি থাকোঁতে খাদ্যৰ মানদণ্ডৰ লগত আপোচ কৰিছে। আনকি পবিত্ৰ তিৰুমালা লাড়ু বনাওঁতে ঘিউৰ সলনি জন্তুৰ চৰ্বি ব্যৱহাৰ কৰিছিল। অৱশ্যে আমি এতিয়া বিশুদ্ধ ঘিউ ব্যৱহাৰ কৰিছো, মন্দিৰৰ পবিত্ৰতা ৰক্ষাৰ চেষ্টা কৰিছো।’
উল্লেখ্য যে জুন মাহত তেওঁৰ তেলেগু দেশম পাৰ্টি জনসেনা আৰু বিজেপিৰ সৈতে মিত্ৰতা কৰি অন্ধ্ৰপ্ৰদেশত ক্ষমতালৈ আহিছিল। তাৰ আগতে জগন ৰেড্ডী চৰকাৰৰ অধীনত তিৰুপতিত নিৰ্মিত শ্ৰী ভেংকটেশ্বৰ মন্দিৰৰ প্ৰসাদ হিচাপে সমগ্ৰ বিশ্বৰ ভক্তসকলৰ মাজত লাডুৰ মহিমা জনপ্ৰিয়।
লগতে পঢ়কঃউচ্চ ৰক্তচাপ কেতিয়া ভয়ৰ কাৰণ? চিকিৎসকে জনাইছে নতুন “গোল্ডেন ৰুল’’
মন্দিৰটো তিৰুমালা তিৰুপতি দেৱস্থানামৰ দ্বাৰা পৰিচালিত। মন্দিৰৰ নিয়ম অনুসৰি প্ৰসাদৰ বাবে টোকেন দেখুৱাব লাগে। ভক্তই পায় প্ৰসাদৰ লাড়ু। কিন্তু যিসকলৰ দৰ্শন টোকেন নাই তেওঁলোকৰ বাবে লাড়ু পাবলৈ আধাৰ কাৰ্ড দেখুওৱাৰ নিয়মটোও শেহতীয়াকৈ প্ৰৱৰ্তন কৰা হৈছে।